Feelings

أغنية "يا رب بلدي" - لعزيز الشافعي - 2011

2011-10-13T16:10:00.002-07:00

الشعب و الجيش إيد واحدة

2011-10-10T17:39:00.000-07:00

من فضلك احترس من شعبك

2011-08-03T15:40:00.000-07:00

عاشت مصر اليوم الموافق الثالث من اغسطس لعام 2011. هذا العام الذى يعتبر من اغرب الاعوام التى مرت على مصر من بدايته بانفجار كنيسة القديسيين الى اليوم الذى تمت فيه محاكمة القرن بمحاكمة الرئيس السابق لمصر و الذى قضى ثلاثون عام فى الحكم. كان الله فى عوننا و الحمدلله.

ان هذا اليوم سيسطره التاريخ و يكتب لقد انتصر الشعب و هزم الباطل و انسحق الفساد. سيكتب التاريخ ان المصريين فقط باصواتهم الجهورية و ارادتهم الفولاذية قد اسقط راس نظام دام لثلاثون عام. نظام ارهق المصريين و اهانهم و داس بارجله عليهم و لم يسمع لهم, و لم ينظر لهم من الاساس.

يحضرنى الان موقف انه فى اليوم السابع و العشرون من يناير الماضى لعام 2011. عندما تجاهل الرئيسي الاسبق المظاهرات المنددة بفساده , تجاهلا مستفزا و مهينا لارادة شعبه. يحضرنى عندنا كنت اتحدث مع بعض الاصدقاء و انا متعجبة كيف له يتجاهلنا بهذه الطريقة و يتمادى فى هذا الامر بطريقة مهينة و يقوم بالاتصال بالرئيس الفلسطينى كى يطمئن على الاحوال هناك!!!! اين شعبك ايها الرئيس الاسبق؟ كيف لك ان تتجاهله بهذة الطريقة؟ هل تسنى لك ان تتخيل انها ستكون النهاية لك و لحكمك!!!

هل كان يعرف انه يدق اخر مسمارا فى نعشه و انه سيصبح بهذه الحالة لا يدرى من و متى و اين و كيف وصل لهذه الامر؟ هل كان يعرف انه سيقف وراء القضبان و الشعب سيقف خارجة يشاهدة و يتشفي فيه و ينظر اليه تارة بعين الشفقة و تاره بعين التشفي و تارة بعين الحسرة.

لا انكر عندما شاهدته يدخل القفص فقد ارتعشت و سالت دموعي. لم ادرى فرحا ام حزنا و لكنى ظللت اردد الحمدلله الحمدلله الحمدلله و الله اكبر. لم اتشفي و لم اشمت, و لكنى احسست احساس جميلا بانه عدل الله. عدل الله لمن ظلم و اصر على ظلمه. عدل الله.

ادهشتنى صورته و ضعفة المستكين خلف قوته المزعومة. ادهشتنى كيف اننا نجحنا بفضل الله و حمده فى ان نطرق راس الفساد الى ان تدمر بهذا الشكل. هل كانوا يعلمون انهم سيقال عنهم المتهمين و سيقفوا طوابير فى داخل القفص و الناس تهينهم على هذا النحو. هل اتعظوا؟ هل اعترفوا بينهم وبين انفسهم بما كانوا يقترفونه فى حق هذا الشعب العظيم؟ و اننا كنا مثل الجمال نتحمل فى وهن و ضعف كل ما يفعلوه بنا.؟ هل علموا الان ان دعوة المظلوم ليس بينها و بين الله حجاب؟ و ان الله هو المنتقم الجبار. هل اتعظوا؟

لماذا اذا لم يتعظ كل الحكام العرب بما حدث؟ هل الفكرة تكمن فى ان ابادة شعبهم سيجعلهم ملوك لاخر العمر؟ هل تناسوا عقاب الله عز و جل و انه المنتقم و انه يقف دائما و ابدا مع المظلومين؟ هل الموعظة هنا كانت انهم لن و لم يتنحوا عن عروشهم من اجل ارادة شعوبهم؟ هيهات .

سياتى اليوم الذى يدمرهم الله بافعالهم و ظلمهم بشعوبهم, سياتى اليوم الذى سيتذوقون فيه مرارة الذل و الحزن و الاهانة . سيأتى اليوم الذين سيندمون فيه اشد الندم فى وقت لا ينفع فيه الندم. احترسوا من شعوبكم ايها الحكام. احسنوا الى شعوبكم ليس لكم خيار . اتعظوا و ليكن مبارك موعظة لكم.

اللهم احفظ مصر يا رب

2011-07-07T14:43:00.000-07:00

اللهم احفظ مصر يا رب و شبابها
و انصرها و انصرنا
على القوم الظالمين
يا رب العالمين

For the good times

2011-07-02T15:52:00.000-07:00

بحبك يا مصر

2011-03-19T05:28:00.001-07:00

يا جمالك يا مصر و اولادك نازلين
رايحيين يدوا صوتهم و مش خايفيين
منظمين راقيين بحب بلدهم واقفين
كل واحد على وشة ابتسامة
معناها تفاؤل و دى اكبر علامة
على ان شعبك خلاص اتحرر
و بقى بيقول بكرة هغير
معدتش فى خوف وبيوعدك بكرة هتشوفي
بكرة هنبنيكي
هنحميكي
هنبتدي معاكى و بيكي
خطوة خطوة نوصل لامانك
و حريتك تلألأ سماكي
زمن الفساد راح
واتبدل بزمن الاماني
و الاماني بكرة تتحقق
بارادة و حب شبابك
صدقيني
هنخليكي عروسة زمانك

بحبك يا مصر

الشعب مع الشعب و الجيش إيد واحدة

2011-03-12T08:45:00.000-08:00

بعض الدعوات المغرضة على الفيس بوك اللى بتنادى و بتقول ان الجيش انقلب على الثورة و ان دم الشهداء راح هدر

احب اقولكم كفاية مزايدات ايوة مزايدات على دم الشهداء اللى مكنش غير فى رقبة مبارك و اعوانة و مينفعش يبقى فى رقبة الجيش, الجيش اللى ساعدنا و بيلبى طلبتنا يوم بعد يوم ولا نسينا؟؟!!!!!!

ولا الجيش اتقلب على الثورة و لا حاجة احنا الانشقاقات بقت بينا كل واحد فاكر نفسه بيحب البلد و خايف على الثورة اكتر من التانى و دى فى حد ذاتها مصيبة لان محدش عمل حاجة لوحدة, كلنا كنا مع بعض و بنسمع لبعض و بنشوف راى بعض

فى اخطاء فى ردود فعل عناااصر من الجيش للاافعال من بعض منا انا مقلتش لا, نطالب بفتح تحقيق انما مش نقلب الدنيا على بعض

و فى كمان دعوات ترويعية علشان نقول لا للتعديلات و مسكنا فزاعة مبارك بدلا عن فزاعة الاخوان لو عملت نعم للتعديلات هيجيلك مبارك تانى!!!!!!!

احب اقول مش بالعافية مفيش حاجة بالعافية , الحرية حق مكفول للجميع و من حق الكل يصوت باللى يعوزة و شايفه صح

يا ريت نرجع روحنا الجميلة تانى

كل شىء ماشى بإرادة ربنا و ربنا وقف معانا علشان مظلومين مينفعش نبقى ظلمة دلوقتى و نتهم ناس بالخيانة و العمالة و الكلام الاهبل دة

ربنا ينتقم من كل واحد عاوز ينشر الفتنة بينا

بينا دى = المصريين

يا مصريين

أقوى كليب لثورة مصر 25 يناير -Egypt Youth Revolution Clip

2011-03-01T11:36:00.000-08:00

مبروك يا مصر

2011-02-11T09:07:00.000-08:00

الله اكبر عليكى يا مصر الله اكبر عليكى يا مصر الله اكبر عليكى يا مصر

اسلمى يا مصر

2011-02-02T14:26:00.000-08:00

قوم يا مصري , غناء سيد درويش

2011-01-27T04:37:00.000-08:00

بـــــــحبـــــــك يا مــــــــصــــــــــــــر

طعم اخر للحياه

2011-01-14T13:33:00.000-08:00

عندما يسقط الظالم و ينتصر المظلوم
عندما يسقط ابرياء كضحايا وتعلم ان سقوطهم كان مكتوب
من اجل حياه كريمة بعيده عن الظلم و الشرور
حياه الحرية حقا تجعل للحياه طعم آخر

تحياتى لك يا شعب تونس

الارهاب لا دين له

2011-01-01T02:00:00.001-08:00

عندما يتحدث الجهل

2010-11-03T20:26:00.000-07:00

كل يوم نستيقظ على بعض التصريحات التى لا استطيع ان اقول عنها الا انها تصريحات غير مسؤولة عن اشخاص غير مؤهلين للتحكم فى مصير هذا الشعب , فعندما يتحدث أشخاص عن هذا الشعب بطريقة غير لائقة و غير واعيه بقدراته و غير مثقفة من الاساس, اقول حينذا ان الذى يتحدث جاهل, جاهل بكل معانى الوطنية و الانتماء و جاهل بقدرات و حضارة شعب مصر و جاهل بما يعانيه هذا الشعب ايضا.

فتصريحات وزير التنمية الاقتصادية, عن العمالة المصرية شىء يفوق الوصف من قدر الاستفزازات التى تحملها هذة التصريحات, فعندما يقول وزير مصرى انه سوف يستورد عمالة من بلد اخر لانهم سوف يرضون بالحد الادنى للاجور الذى قرره سيادته و هو 400 جنيها مصريا للفرد, فذلك يعتبرعدم ثقة فى قدرات ابناء وطنه الذى هو منهم و كان فى يوم من الايام يعانى مما عانه هذا الشعب .

و جهل ايضا بما سيترتب عليه الامر من استيراد عمالة خارجية و مسؤليه اقامة المغتربين و الطعام و الشراب المتوفر, و كيف من الاساس يتسنى له ان يفكر بهذا الامر, هل مصر تعانى من قله العمالة , ام لانهم طالبوا بإقامة حد أدنى للاجور فقد أسرفوا فى امرهم و طالبوا بأكثر من حقهم, كيف يفكر فى هذا الأمر, و هل هو قيد التنفيذ أم مجرد تهديد, كيف يتحدث وزير فى هذا الامر فى وقت يعانى عدد كبير من هذا الشعب من البطالة و ضيق ذات اليد, كيف يتحدث فى هذا الأمر و عدد ضحايا الهجرة الغير الشرعية فى تزايد, كيف يفكر و يقول هذا الامر و عدد الحوادث و الجرائم تتفاقم و ترتكب بسبب ضيق اليد, كيف يصرح بأمر كهذا و يعلم انه لأمر قد يستفز الشباب و العمال يستفز شعب بأكملة و يجعلهم فى حيره من أمرهم و قد يقومون باعتصامات و مظاهرات و ربما إضرابات عن العمل........إلخ

فى مؤتمرعقد مؤخرا قامت وزيرة القوى العاملة ربما بتهدئه النفوس , فقد قالت انها لن تّدخل مصرعمالة اجنبية على حساب العمالة المصرية, حتى لو امتنعوا عن العمل, على الرغم من تحفظاتى على هذه الوزيرة الا ان كلماتها ربما اثلجت قلبى لأننى شعرت بانتمائها لابناء هذا الشعب, الذى يوما عن يوم يشعربغربه فى هذا البلد, يوما عن يوم يشعران ليس له مكان فى هذا البلد, يبحث دائما عن الحل البديل, يبحث دائما عن مكان يشعر فيه بالسعادة و الانتماء .

ماهو الهدف من بعض الكلمات التى تعكر صفو هذا الشعب كل صباح, ماهو الهدف من فقدان الثقة فى بعضنا البعض.

هل يستحق الشعب المصرى مثل هذا الرجل, الذى قد يتحكم فى مصيرة و رزقة, ان الرازق هو الله سبحانه و تعالى و لكننى اتحدث عن ما يستطيع ان يفعله هذا الرجل, و هذه التصريحات التى لا اقول عنها الا انها مشينة و تعتبر نقطه سوداء فى تاريخه, أنا اطالب بمحاسبة هذا الرجل, محاسبة عسيرة لما تفوه من كلمات لا يعرف معناها و ان كان يعرف مدلولها و معناها يحاسب محاسبة أشد و أكبر. لا نريد مثل هذا الرجل , نريد رجل يعرف مصر جيدا و يثق فى أبناءها و يعرف أنهم لو اُخذوا مأخذ الَََجد سوف يُبدعون و يصنعون و يرتقون بهذا البلد.

إنتفاضة العار

2010-10-05T05:12:00.000-07:00

شعرت بالخزي و العار بعد ان تجاهلت لمدة طويلة ما يحدث على الساحة المصرية الان, حاولت الكتابة من قبل و حاولت تعداد بعض الموضوعات التى أردت التحدث عنها وجدتها كثيرة جدا و محزنه للغاية, و لكننى الان احاول ان أكتب لعلنى اُخرج بعض ما يجول بخاطرى و أُخرج بعض من طاقتى السلبيه لعلنى اشعر بالهناء او راحة الضمير المزيفة.

اشعر بقلب مصر الان يتعرض لانتفاضة كبيرة, انتفاضة من شأنها ان يُرسم تاريخ مصر ثانية و نُدرسة فى مناهج الاطفال الدراسية بانها مرحلة سقوط المجتمع المصرى, مرحلة ما قبل سقوط مصر, فالانتفاضة هى الفساد الكبيرالموجود حاليا داخل البلاد, إنتفاضة العار التى جعلت من عليه القوم سافلهم و من سفله القوم عاليهم بسرقة و نهب و احتيال, انتفاضة أخرست كل الاصوات الحرة العاشقة لتراب الوطن و كبلت اقلامهم , و أعطتت الفرصة للاصوات الحقيرة ان تعلو وسط حراسة مشددة. كى تتلاعب بأرزاق و أقوات الشعب و تحاول هدم و تجريد كلمة وطن.

إنتفاضة تحاول اقتلاع ما بقى من رفعة بلد و شعب, إنتفاضة تحاول تبوير كل شأن مصري و حرية و استقلال, الى متى سيستمر هذا الفساد؟ الى متى سيستمر الاستبداد و عصر الظلمات هذا؟, هل تستطيع أصواتنا نحن أن تعلو فوق هذا الفساد؟. هل سنستطيع ان نحرر مصر مرة ثانية من هذا الاحتلال الغاشم الداخلى, نعم للأسف فانه إحتلال داخلى غاشم و قاسى و ظالم.

فقد انتصرنا من قبل, و لكن هل سننتصر مرة اخرى؟ فى شهر أكتوبر المجيد ايضا هذا العام أو العام القادم او ربما بعد عشرة اعوام.

ماذا سنعلم أطفالنا ماذا سنقول لهم, على ماذا سنربيهم؟ هل سنبرر كون افواهننا و ايدينا مكبلة على محاربة هذا الفساد, ام سنقول لهم أننا حاولنا و لم نستطع ان نزيل غبار هذا الضياع. كيف سنجعلهم رجال و نساء يخافون و يسعون لرفعة شأن بلادهم.

بالاصاله عن نفسى أهتف من خلف هذه الحروف و الكلمات المريرة و الاحساس الغاضب, تعيش مصر حرة مستقلة, تعيش مصر حرة مستقلة, تعيش مصر بلد منتجة رغم أنوف الحاقدين و المستغلين, تعيش مصر رائدة لحرية التعبير الحقيقية , تعيش مصر بلد متطورة رائدة فى شتى المجالات, تعيش مصر بلا استبداد او ظلم او فساد, تعيش مصر فخورة بأبنائها الشرفاء, تعيش مصر رغم أنوف الضعفاء ألاغبياء الذين ظنوا انهم ملكوا وطن بلا شعب او بلا كلمة لا.

أعلم انها مجرد هتافات, و لكن سيأتى اليوم الذى فيه تنقشع الغيوم, و تشرق شمس الصباح على مصر آمنه من كل شر, ادعو الله عز و جل ان يتدخل بقدره و حكمته و عظمته و يحفظ مصر من هذه السقطة, و يجعلها دائما و ابدا مصر العطاءه الحرة.

ليس مصري الشأن

2010-05-01T03:53:00.000-07:00

كرهت ان ارى كلمات يتطاول بها المصريين على انفسهم بقولهم " مهانة المصرى " , و "كرامه المصرى المهانة" , و "ذل المصريين". ما هذا بالله عليكم ليس هذا ما يحدث و ليس بتلك الطريقة , لا انكر تقصير سفارتنا بالخارج مع اولادنا , و لكن لا يصح ان نقول ذلك, لان ليس كل المصريين بالخارج كلهم مهانيين , منهم من حقق نجاحا باهرا و منهم من وصل لاعلى المراتب, و منهم علمائنا و منهم و منهم و منهم.

ما حدث مع المصرى الذى اشبعته قريه كترمايا بالطعنات و الضرب و التنكيل بجثته, لم يكن لكونه مصريا , او لان كرامته مهانه فى بلدة او لانه لم يجد عمل فى بلده فقرر الهجرة اللى بلد اخرى ؟!و لذلك عزمت القريه على تنفيذ حكم الاعدام به, و لكن لانه فعل جريمة وحشية " الله اعلم". و كان من الممكن ان يتم هذا الحكم على اى جنسية اخرى قامت بهذا الفعل الشنيع مصريا كان او يمنيا او اردنيا او فلسطينيا او حتى لبنانيا.

لا انكر همجية الجريمة و بشاعتها حتى لو كان المقتول هو حقا الفاعل, ماذا عن الامن و القضاء و حكم العدل. لماذا اصبحنا كذلك هل لاننا لا نثق فى القوى الامنية , لا نثق فى ان يسود العدل العالم, فنقوم بدور القاضى و الجلاد.

منذ فترة ليست بالبعيدة, قرات حادثة فى قرية من قرى مصر, بأن شاب حاول تخليص فتاه من بعض الذئاب, و هربت بالفعل الفتاه, و ما حدث بعد ذلك, ان قام الشباب بالفتك بالشاب و قتله و فصل راسه عن جسده و رميها بالشارع حتى تكون عبره لمن يقف اماهم ثانيا؟؟!!

اليست هذه همجية ايضا, و لكن للاسف كان القتلة و المقتول مصريين, اذن ليس الامر يخص المصريين او اللبنانيين وحدهم, بل يخص ثقافة الانتقام و الهمجية التى يتمتع بها العرب جميعا.

قوتهم ليست فى رجاحة عقلهم, و فى ترابطهم و انما فى همجيتهم, و تزداد الفجوة بينهم يوما بعد يوم. و كفى بالله عليكم التقليل من شأن المصرى, لاننا نصبح حديث كل العرب , نحن نقول ذلك على انفسنا, لما نحزن و نغضب عندما يقول الاخرين ذلك او يشعروا به.

اخيرا اريد القصاص من هؤلاء الهمجيون, و اريد القصاص من اى تصرف اعمى و غير مسؤول مثل ذلك.

فوضى على قاعدة التغيير

2010-04-27T14:24:00.000-07:00

أصبحت البرامج الحوارية الان فى مصر , كلها تتحدث عن حالة الحماس و الحراك السياسى الذى يشاهدة
الشارع المصرى هذه الايام.يوميا تشاهد عدد من الاعتصامات و المسيرات السلمية التى تطالب برفع الحد الأدنى للاجور او تغيير مواد الدستور .......... الخ.
و لكن الذى ادهشنى و هو بالطبع اكثر من كمية الاعتصامات و المسيرات و التى اصبحت بمثابة موضة هذا العصر الان
, و عدم تنظيمها. هو ان عدد من الاحزاب المعارضة و الادباء و الكتاب اصبحوا يمثلون الشعب ( عنوة) .لا اعرف لماذا و اين و متى , و من أعطى لهم هذا الحق, ان يتكلموا بأسم الشعب و ماذا يعرفوا عن الشعب؟ اصبح الأمر
للشهرة فقط, و ادعاء الوطنية و اكتساب الاصوات, و الهتافات باسماء أناس انا و أردد أنا لا اعتبرهم اكفاء ليمثلوننى و يمثلون الشعب .
أصبحنا فى عصر الشهرة, اى شخص يريد ان يرتفع اسمه عاليا, بدلا من ان يصبح بطلا فى احد الافلام
او المسلسلات الرمضانية , وجد طريق اسهل و هو الظهور فى احد البرامج الحوارية,
و الصياح و التطاول و الاستنكار و ربما استباحة دماء اعداء الشعب (الحزب الوطنى), بما ان هذا الحزب قد ظهر مؤخرا, و لم يكن موجودا لما يقرب على الثلاثه عقود!! و ذلك ليهتف باسمه الشباب و يصبح بطلا قوميا و يتكلم باسم الشعب , و ان عارضه احد او اختلف معه فى الراى , يصيح ثانيا بان الحزب الحاكم
يريد ان يكمم الافواه و يمنع حرية الراى , مع العلم بانه راى ليس رأى و انما هو مسايرة للموضة ليس الا.

مصر حاليا تعيش حالة من الفوضى السياسية, نائبون منتخبون بواسطة الشعب يريدون قتله رميا بالرصاص, لمخالفتهم الراى , او ربما لارضاء الحزب الذين ينتمون اليه. وحالة من التغيير الجدي التى يعيشها الشباب المصرى, و التى تقد تنهى بالفشل الذريع جراء بعض القوى المعارضة التى تطمع فقط فى الظهور, و المشاركة بالقوة الجبرية, مما قد يضعف و يحبط التغيير الجدي الذى تزرع و تسقى جذوره الان فى مجتمعنا. و كل ذلك حتى يلمع اسمائهم فى سماء الحياه السياسية الجديدة, اذا بدات, و اذا لم تبدأ, سيحكون و يتحاكون عن محاولتهم العنيفة و المستميتة لاحداث التغيير فى مصر, و لكن الحزب الحاكم رفض الانصياع و رفض و رفض و رفض. و سيكون الفشل بسببهم هم.

كل واحد منهم يريد أن يصبح زعيما عقيما لشباب انهكهم الظلم, و الكبت, وتقييد حريتهم, و الحرمان حتى من ابسط حقوقهم. شباب يريدون زعيما حقيقيا لا يريد شهرة و لا مال, لا يريد غير ان يصعد نجم مصر عاليا, و يعيش شعبها رافعى الروؤس فى سلام و عدل و امان.

تعليقات جرائد مصرية

2010-04-23T13:24:00.000-07:00

اتصفح يوميا الجرائد المصرية على الانترنت, أعلم اننى قد اصاب بالاحباط, من كثرة الجرائم الغريبة و البشعة, و الاخبار التى قد تصيبنى بالغثيان و لكننى بالطبع أحب ان أرى احوال مصر, و ما آلت اليه الامور.
و عندما أقرا الخبر دائما ما انزل قليللا بالفأرة, كى ارى تعليقات المواطنين على مثل هذه الاخبار و أعلم اننى قد ابتسم متعجبه او اتجهم من التعليقات المصاحبة لكل خبر أقراه و خبر لا اقراه.
و كى لا اعمم الموضوع, فاننى كفرد أرى فى معظم هذه التعليقات الجهل بعينه, أرى أناس تعلق كواعظة بدون علم او ساخرة او حتى مداعبة او ناقدة.
و جميع التعليقات السالف ذكرها تتم كتابتها بطريقة غاية فى السوء و لست اعنى بذلك اللغة العربية و كيفية صياغة و تركيب الجمل و ما شابه ذلك . اعنى ايضا ان معظم التعليقات قد لا تكون على الموضوع من الاساس, و قد تكون تعليقات من بعض القراء على بعضهم البعض فى اسلوب نقدى او سخرية لاذعة و قد تكون تعليقات من قراء يريدون ان يروا اسمائهم فى صفحة الخبر, كمن يزايدون كى يفوزون بجائزة اجرأ و اجمل و احسن و أظرف تعليق على هذه الخبر.و منهم من يشكك فى صحة الخبر ذاته كمن ينصب نفسه انه " أبو العريف " بأنه عرف ان هذا الخبر ليس صحيحا. كيف و اين و متى , يرد بقوله " ليس منطقيا " .

و على الصعيد الآخر, أرى تعليقات فى منتهى الجدية و العلم , بل و قد اجد حلولا لبعض المشاكل المعروضة فى الخبر.

و اخيرا لما لا نكتب ما نشعره و نريد قوله بالحسنى ليس بالنقد اللاذع و السخرية و الضحكات المكتوبة التى تصيب الاخرين بالاشمئزاز. كفى بنا ان نكتب فيما لا نعلم ,و الافضل ان نعلم ما نكتب و نتعلم ما نريد كتابته و قوله و فعله.

رساله الى شباب مصر

2010-02-26T00:03:00.000-08:00

رساله قصيرة

الى كل اللى بيهتفوا باسم محمد البرادعى

و بيحبوا مصر و عايزنها تتغير

و يعملوا اصلاح شامل و يغيروا الدستور

هايل

اقول لهم تعرفوا ايه عن البرادعى و تتوقعوا ايه

و هو فعلا امل مصر ؟

لا انا هشيل نفسى من مصر اللى بتتكلموا عنها دى

طيب ما انا لو نويت ارشح نفسى رئيسة

هقول انى هغير بردة

و حسن لو بقى رئيس هيقولك هغير

و لا حد بيغير و لا حد بيفتكر الكلام اللى بيقوله

و محسن هيغير بردة

مين محسن ده ؟؟!!

ما علينا

الامل فى الله اولا ثم فينا احنا يا شباب مصر

متتوقعوش تغيير غير منا احنا

احنا اللى هنرفع البلد دى و هنغير البلد دى

بايدنا احنا مش بايد حد

بجد حاجة بقت تصعب على الكافر

بقينا بنجرى ورا حد و خلاص اى حد منتظرين منه تغيير

جميل اوى بس انتوا فين من التغيير و هل فعلا هو هيغير

هيغير ايه حال البلد

طيب و حال ال80 مليون مصرى هيتغيروا ازى

و لا كمان هتنادوا بانه لازم يغير حال الشعب

فين ايمن نور ؟ اللى كنتوا عايزينه يغير البلد ؟

راحت عليه

فين علاء مبارك اللى فى شوية طلعوا رأى

و فكرة غريبة بانه هو احق من اخوة ؟؟!!!!

لا و الله ؟ شوف ازى؟

بقينا كل يوم بفكر و كل يوم بحال و اغنيه بنغنيها بينا و بين نفسها

بنكدب و بنصدق نفسنا

لحد ما نوقع من كتر الضحك على نفسنا

انا هنا بكتب فى مدونتى يعنى انا حرة فى اللى بكتبه

علشان محدش يقولى انى ضد الشرفاء و حقودة و غلاوية

و مبحبش التغيير

لا بحبه على فكرة

غيروا بقى

تاج مغامرات

2009-04-21T15:13:00.000-07:00

بقالى كتير اوى اوى معملتش اى تاج

التاج ده جايلى من الاغلبيه الصامته احمد سمير

هو اه التاج غريب و خيالى حبتين تلاته بس عجبنى

نفتتح الحلقه

لو ماشى فى صحرا متخيل احساسك هيكون ازى و متصوها ازى ؟و هتعمل ايه؟

لو ماشيه فى صحرا مع انى مش بحب الصحرا

متخيلاها ارض واسعه اوى صفرا مفيهاش حد غيرى

الجو حار و مشمس جدا و انا حرانه اوى

احساسى هيكون منخنوق و مضايقه على الاخر

مش هعرف اعمل حاجة غير انى احاول اطلع منها

ازى بقى ده اللى هعرفه اما اكون هناك بجد

بعد الشر يعنى

لو ماشى فى غابه احساسك هيكون ايه و هتعمل ايه فيها ؟

اةةةة اهو الخوف كله من الغابه دى

بصراحه كدة هدور على اى شجرة او اى مكان احس فيه بالامان المؤقت

لحد ما ربنا يفرجها من عندة بقى و منها برده ادرس الطبيعه بتاعه الغابه

و اشوف ايه اللى بيطلع بليل و ايه اللى بيطلع الصبح

لو لاقيت صندوق فى الصحرا هتحاول تفتحه و لا ايه . و لو فتحته تتخيل هيكون فيه ايه؟

صندوق ايه اللى هفتحه لا طبعا انا جبانه اوى فى الحاجات دى مش بعيد اشوطه بعيد

هى ناقصه رعب

لو لاقيت حصان فى الصحرا تفتكر هيكون لونه ايه ؟ و هتركبه و لا تسيبه و تمشى ؟

حصان يا فرج ربنا

متخيله هيكون لونه اسود فحمه يعنى

و اكيد هركبه و اجرى بيه انا صحيح و انا عليه اكنى بطلع السما و بنزل تانى

بس احساس رائع

هجرى بيه اكيد لانى فى الواقع بحب الخيل جدااااااا

لو لقيت سلم فى الصحرا هتعمل بيه ايه ؟ هتخده معاك و لا هتسيبه و تمشى و لا ايه ؟

سلم ايه اللى فى الصحرا ده و لا هعمل بيه حاجة مش وقته اساسا

لو لاقيت ماج فى الصحرا متخيل شكله هيكون ايه و هتعمل بيه ايه ؟

هيكون من الخشب و على شكل حيوان مثلا

و هخده معايا اهو ينفع اهش بيه اى حاجة تعبان او حاجة

لو ماشى فى الغابه و لقيت اسد هتعمل ايه هتجرى يا ترى و لا هتهاجم و لا هتقف مكانك؟؟

هتبع المقوله الشهيرة " اعمل نفسك ميت- اعمل نفسك ميت " ... و لو كشفنى

هبصله نظرة يأس و اقوله زى الافلام الاجنبى

quick and clean

و سيب اى حاجة منى علشان اهلى يبقوا يعرفونى

ايه النهايه دى ؟؟

انا كنت حاسه ان نهايتى هتبقى غريبه

لو مشيت فى غابه و لاقيت بحيرة فى تخيلك هيكون شكلها عامل ازى و هتعديها و لا لاء؟

و الله فى الواقع الحاجات دى مش مضمونه

و بصراحه مش هعديها مين عارف تحت الميه هيكون فى ايه

خلينا فى طريقنا البرى احسن

لو شوفت سور فى الصحرا مرتفع قوا قوا هتفضل ماشى معاه و لا هتحاول تكسره و لا ايه ؟؟

اها يمكن فعلا امشى معاه لحد اخرة

ماهو اكيد مش هيبقى ديكور فى الصحرا بردة يعنى اكيد فى سبب لوجوده

==============

الحمدلله خلصته بس بصراحه مودى بقى غريب و قلبى بيدق بسرعه

استر يا رب

التاج لمن يعشق المغامرات

و هم

يا مراكبى

أ ب ج د

قلب ينبض لله

رؤيه

تمت

بحبك يا مصر

2009-04-04T09:38:00.000-07:00

بحبك يا مصر

و هفضل احبك لحد ما اموت

و نفسى تبقى احسن بلد فى الدنيا

بس الموضوع بقى اشبه بمسرحيه هزليه

و دة فى وجهه نظرى

مش ناويه احط نفسى فى طبق السلطة

مش مع الاضراب المرة دى

مصر لكل المصريين

2009-02-05T09:31:00.000-08:00

جائتنى دعوة من احد الاشخاص على الفيس بوك يدعونى للاشتراك فى جروب
لحركة تدعى حركة مصر لكل المصريين
و قد وافقت على الاشتراك و بالطبع قد اسعدنى ان تكون هناك حركة تنادى بان مصر للمصريين
و الشعار نريد ان نصلح ما افسده الاخرون
و لكنى بمتابعه الجروب
وجدت ان بالبيان التاسيسى للحركة به بعض النقاط التى لم اقتنع بها
هل حذف خانه الديانه فى البطاقه بهذه الاهميه , و من شانها اصلاح مصر
و هل كتابه الديانه فى البطاقه يعتبر تمييز عنصرى؟
هل عندما ترتكز مصر على المصالح الماديه التى تربطها بين الدول فقط
و تنسى اى خلافات سياسه
هل هذا من شانه اصلاح مصر
هل اصبح التاريخ الان ان كان صحيح ام مغالط
يجب نسيه و الدوس عليه كى يتم اصلاح مصر
هل تعتبر المحافظة على العلاقات بين الدول او رعايه مصر
او حرصها على التوافق بين الدول و بعضها
اصبح هذا ما يهدد مصر
و تعتبر هذه افكار هدامه ؟؟؟؟؟
و لابد من النظر لمصلحه مصر باكثر واقعيه

و هل انا من ينظر للامور بعاطفيه؟؟؟؟

ارجو الافادة

ان لله و ان اليه راجعون

2009-02-03T15:44:00.000-08:00

ان لله و ان اليه راجعون

توفى الى رحمه الله تعالى

الزميل المدون محمد

صاحب مدونه الفارس الملثم

اللهم ارحمه يا رب

و اسكنه فسيح جناتك

الشعب المصري الان يفتقد الرمز

2009-02-01T17:06:00.000-08:00

الشعب المصري الان يفتقد الرمز

لعل ما مرت به مصر من احداث فى الآونه الاخيرة , كشفت عن الكثير و الكثير مما تخفيه الحكومه عن الشعب بل و تصاعدت و تفاقمت الفجوة التى بين الشعب و الحكومه ايضا

و اصبحت ازمه الثقه بين الطرفين فى ازدياد واضح بعد احداث غزة و ظهور و كشف الستار عن بنود معاهده السلام الظالمه بين مصر و اسرائيل و التى لم يكن يعرف بها الكثيرون , و اصبح الحاكم و الحكومه فى واد و الشعب فى واد اخر . بل و اصبح يبحث عن رمز فقط لا غير رمز يشعر فيه بالكرامه و العزة , كمن يضعوا صور حتى الان لجيفارا المناضل و الذى افنى حياته فى سبيل عزته.

عجبت كثيرا ممن يغرمون بالشيخ حسن نصر الله , فانا اكن له الاحترام مع ايضا بعض التحفظات و لكن ان ارى ما يغرمون به و يسمعون كلماته فى ذهول و فرح و فخر !!!

و لكن قد قلت شعبيته كثيرا بتصريحاته الاخيرة , التى حث الشعب فيها على الانقلاب ايضا , كمن شعر بثورة المصريون و غضبهم او كمن شعر بضعفهم و قام بتحريضهم على فعل مثل هذه الاشياء .

تكلم كما ان هذا المصرى مثل الانسان آلى يتحرك و لا يفكر , قد استغل حسن نصر الله شعبيته و قام بتحريض المصريون على شىء اعتبرته انا مشين .

وجاء من بعد حسن نصر الله هذا المطرب الاجنبى"مايكل هارت" الذى و انا هنا اتحدث عن نفسى لم اسمع له اى شىء قبل هذا جاء ليصبح حبيب الملايين من المصريين بعد ان قام بغناء اغنيه خاصه من اجل نصرة غزة بل و كانت كلمات الاغنيه غايه فى الروعه تصف روح المقاومه و تحض على عدم الاستسلام و اللهث وراء الكرامه و العزة.

و جاءت خاتمه المسك ليتصدر رئيس وزراء تركيا" اردوغان" المقدمه و اصبح رمز مصرى للكرامه فقد قال و فعل ما جعل كل مصرى تتهلهل اساريره.. قال كلمات قد اسعدت و اغضبت كل مصرى على ارض مصر , اسعدته من حيث روعتها و جمالها و اغضبته من النظام الحاكم و الذى قد اظهر ضعفا و جبنا فى تلك الازمة .

هل نحن حقا نبحث عن رمز ؟؟؟ وجدتها كلها رموزا للمقاومه و قول لا صريحه و فى وجهه كل محتل داخلى و خارجى .

متى سيصبح لنا رمز مصري ...متى سنصنع بايدنا رمز مصرى يحاول اصلاح ما افسده الاخرون و يجعل ثقه المصريين فيه بلاحدود , متى سيولد عندنا رجل فى الحكومه مثل اردوغان لا يخشى شيئا و لا يخاف من احدا .

متى سيخلق مثل هذا الرجل فى مصر متى ستخلق هذه الرموز التى تسعدنا و تبكينا الان فى آن واحد ...

متى يا مصر ؟

sending message to the world

2009-01-22T14:03:00.000-08:00

The grandchildren of the holocaust survivors

are doing now to Palestinians

exactly

what was done to them by the Nazi

What do you expect from Palestinians?
Wait for more facts

**********
copyrights are reserved for humanity
Just tell the the truth, all the truth and

nothing but the truth
to the whole world

2009-01-11T13:07:00.000-08:00

الكلام ده حقيقى و لا بجد

2008-11-18T15:11:00.000-08:00

علشان انا مغيبه الايام دى عن الواقع المرير

نتيجة برد شديد

مش بشوف اخبار و لا بقرا حاجات كتيرة

بس من شوية دخلت على مدونه نوارة

لقيت خبر حلو قوى قوى

ان المحكمة الاداريه حكمت وقف تصدير الغاز للاسرائيل

بصراحة مصدقتش

روحت على الفيس بوك

لقيت كام خبر على نفس الموضوع

هو الموضوع ده فعلا حقيقى و خلاص الحمدلله

هنبطل نبيع حته حته مننا

و لا الموضوع كله علشان الشعب يتهد و يبرد زى كل مرة

بيقولوا ان الحكم مش نهائى و فى استئناف

ربنا يستر

بس بجد مبسوطة و قوى

مبروك يا مصر

فكر جديد

2008-11-07T14:07:00.000-08:00

انه حقا لفكر جديد الذى تكلم عنه الرئيس مبارك فى خطابه الاخير لمؤتمر الحزب الوطنى الذى يراسه

و كما يبدو سيرئاسه للابد الابدين ,

فكانت كلماته كلها تدور حول فكر جديد و اسلوب جديد

. ما هذا الفكر الجديد الذى يتحدث عنه الرئيس ,

هل كان الفكر يتناول ما حدث لمقر حزب الغد ان تُتخذ البلطجة و اشعال النيران كفكر جديد للتوصل لحلول عادله

, و بعد هذا نرفع رايه القانون و نشكو الظلم .. كمثل الذى " ضربنى و بكى" , هل هذا هو الفكر الجديد
هل الفكر الجديد الان ان يُخرج الشباب السنتهم للقانون

بعد ان تم الحكم على شاب بالسجن ثلاثه سنوات فى قضيه تحرش

كانهم غير آبين بهذا الحكم و مازالت تتوالى قضايا التحرش و القتل , و مازالت الضحايا تتساقط

... هل هذا فكر جديدا يُطبق الان فى مصر البلطجة و الفساد و الاسفاف
يا له من فكر جديدا حقا ايها الرئيس

مبارك عليك الفكر و مبارك عليك و علينا كل هذا الدمار الذى تعيشه مصر .

احمر و ابيض .... مفيش اسود

2008-10-21T05:03:00.000-07:00

احمر و ابيض .... مفيش اسود

امممممممممممممم

تقريبا هما مش حاسين بالاسود ده

فيلم هابط و لا بلاش اقول هابط اصلى متفرجتش عليه

محبتش بصراحة اتفرج عليه و بعدين اصرف فلوس على العلاج

بس اكيد شوفنا كلنا الاغانى بتاعه اهيف فيلم تقريبا

فى تاريخ الكورة المصريه ... اقصد تاريخ السينما المصريه

و يقولك احمر و ابيض

احمر لونه بلون الدم و الابيض قلب ابيض زى الفل

و اختزلوا كلمه مصرى فى اللونين دول و الكورة و بس

بس هقول ايه

منتهى الاستخفاف بعقل مشاهدين و بعقل شعب بحاله

اكن كل المصريين دلوقت خلاص نسيت كل حاجة و نسيت كل المشاكل

و مش بتفكر غير فى زكى جمعه ؟

مين زكى جمعه دة

او تامر حسنى الى جاب الكورة فوق العرضه

و اهى كلها اسماء ربنا

انا شكلى هعمل جلسات علاج طبيعى خلاص يا اخوانا

مش هقول حاجة تانيه غير ان الموضوع ناقص اللون الاسود و يبقى علم مصر بجد

و هتلاقى اللون الاسود بقى هو كل حاجة بتحصل دلوقت عندنا

و بقت مصر مش احمر و ابيض و بس

و بقت اسود كمان

و اخيرا هى دى مصر يا عبله

واجبات مؤجله

2008-10-11T14:57:00.000-07:00

عارفه انى اتاخرت اوى فى عمل واجبات تدوينيه عليا

جالى تاج وواجب تدوينى

من goodman

romantic

و متى اللقاء

هما الاتنين حلوين و عارفه ان تقريبا كل المدونين خلاص جاوبواعليهم

تقريبا ماعدا العبد لله

نبدا

بدأت تدون من امتي ؟ و دخلت العالم ده ازاي ؟
من سنه و نص تقريبا و اول من عرفنى موضوع المدونات مدون اسمه قاسم افندى

ايه كان انطباعك في البداية ؟
عجبتنى الفكرة اوى اوى و لقتنى بتشدلها و بطلع كتيييييير اوى من جوايا

مين اكتر واحد بتهتم بتعليقه علي بوستك الجديد ؟
كل الناس الى بيعلقوا عندى اكيد بهتم بتعليقاتهم و اوى

ايه أهم حاجة اتعلمتها من عالم التدوين ؟
اتعلمت يعنى ايه حريه - الحريه الحقيقه

و فهمت حاجات مكنتش واخدة بالى منها

التدوين بجد بقى شىء مهم جدا فى حياتى

ايه أكتر حاجة كرهتها ؟
كرهت الناس اللى بتستخدم الحريه غلط و فكراها انها اما تغلط فى الكلام و تخدش الحياء

يبقى دى الحريه ,,

و كرهت كمان كميه التناقض اللى موجودة فى البشر

فى كلام يتكتب و تصدقه لانه طالع من القلب و بصدق

و تلاقى كلام يتكتب مرسوم و بيدل على تناقض صاحبه

حاسس ان التدوين له تأثير ؟
ايوة طبعا و جدا و خالص
لانك حر بتكتب الى فى قلبك و اللى حاسس بيه و الدليل

ان كلمه "مدونين" بقى لها تأثير شديد دلوقت فى البلد

تهدى التاج لمين ؟

اعتقد ان معدتش فيه غيرى

و اهو خلاص عملته

*****************************************

الواجب التدوينى التانى

.قوانين الواجب

:1. اذكر اسم من طلب منك حل هذا الواجب .

2. اذكر القوانين المتعلقة بهذا الواجب

.3. تحدث عن ستة أسرار قد لا يكتشفها من يقابلك للمرة الأولى.

4. حول هذا الواجب إلى ستة مدونين ، وأذكر أسماءهم مع روابط مدوناتهم في موضوعك.

5. اترك تعليقا في مدونة من حولت الواجب عليهم ، ليعلموا عن هذا الواجب

متى اللقاء

السر الاول: اى حد يشوفنى يفتكرنى تنكه ليه و ازى , معرفش

مع انى عمرى ما كنت مغرورة او حتى خنيقه فى الكلام

السر التانى: شريره شوية

مع انى على العكس تماما

السر التالت :الناس فكرانى ان قراراتى بتكون سريعه

مع انى مترددة جدا و بفكر فى الحاجة مليون مرة

السر الرابع : ديما الناس بتاخد كلامى بمعنى مختلف

مع ان كلامى بيكون واضح جدا

عامه قلت ان اكيد العيب منى و اخد كورس فى مهارت الاتصال

احتمال اتفهم صح يا اخوانا

السر الخامس: ناس كتير اوى و منهم قريبين ليا فاكرنى

انى اما بتكلم على مستقبلى او حتى طموحى انى بق و بس بمعنى كلام بدون افعال , انما عامه

انا ديما كل كلمه بقولها بسعى فى تحقيقها و الموضوع عندى مش كلام و بس

بس الموضوع بيكون مسأله وقت

السر السادس :ببيع بسرعه اوى مع انى عمرى ما بعت حد و بحب اصحابى اوى

و الحمدلله لسه مستندلتش مع حد

مع انه ممكن يحصل معدتش فى حاجة مضمونه

بهدى التاج ده ل

goodman

romantic

الربان

الاغلبيه الصامته

انا حر

الفارس الملثم

اكيد هاروح ابلغهم

عفوا رئاسيا

2008-10-08T06:15:00.000-07:00

تتبعت باهتمام الحكم الصادر ضد ابراهيم عيسى و من معه من رؤساء التحرير الذى تمت ادانتهم بنشر اشاعات مغرضه عن صحة الرئيس , و لست هنا للاتكلم بهذا الصدد , فقد تحدثنا كثيرا عن حريه الصحافه و حريه الصحافيين و ان من حقهم تتبع الاخبار و ايضا معرفه الشائعات الكاذبه و الاخبار الحقيقه و هذه هى مهمه الصحفى فى المقام الاول.

و لكن ما اثار اعجابى هو العفو الرئاسى الذى قام به الرئيس مبارك ليعفو عن ابراهيم عيسى , و كانه من قام بالتنازل عن حقه و التنازل عن ما تعرض له , و قام بهذا العفو .
لا انكر انه قد اعجبنى حقا هذا القرار , و لكن لماذا يحدث هذا الان , هل ادرك الرئيس ان مصر ليست فى وضع يتحمل العديد من الازمات . و ان المصريون فى حاله غضب عارمه لما يحدث الان و جاء ليلطف الامر قليلا . ام انه قد سامح هذا الشخص و قال " عفا الله عما سلف ",.و رفع يداه الى الله و قال حسبنا الله
هل هذا ما حدث حقا !! عفو رئاسى....و كأنه سامح من اخطا فى حقه وقال عنه كلام خطير و لا يمت للحقيقه بصله فقال انه مريض ,, يا لهول الكارثه .
تعجبت كثيرا فليس ابراهيم عيسى بطل كروى ليتدخل الرئيس بنفسه فى هذا الامر , و ربما كان العفو فقط جاء فى احياء ذكرى اكتوبر... ام كما قال انه لا داعى لان يكون فى خصومه مع احدا من افراد الشعب
..
اذا ماذا عن عفوك الرئاسى عن شعب مصر سيدى الرئيس . افراد الشعب..... البسطاء فكل فرد من الشعب الان عندما يتعرض لكارثه او يتعرض لازمة او يشاهد حريق اخر فى بلادنا ينظر الى السماء و لا يقول الا خمس كلمات متتابعه , ,فكان افراد الشعب جميعا فى خصومه مع الرئيس لما نشاهدة من مهازل الان سواء على الصعيد السياسى او الاجتماعى او الامنى , و كل شخص يحمله نتيجة ما يحدث ,ففى كل يوم ننتظر مأساه جديدة نترقبها فاى شىء الان ليس بالبعيد.

و يظل السؤال هل هذا العفو يشمل بقيه رؤساء التحرير الذين خاضوا فى حق الرئيس مبارك و قالوا كلام لا يحتمل ,, ام هو ابراهيم عيسى فقط ... هنيئا له بها فقط فاز بها حقا
هنيئا لك ابراهيم عيسى فقد نلت عفوا و مازالت الملايين من البشر فى انتظاره ,
وماذا عن ايمن نور , الم يحن الوقت لنيله عفو رئاسيا هو الاخر , ام لابد و ان يصبح القرار "امر " من اقوى قوى فى العالم ,, اعتقد انها سابقا لما تمر به الان من ازمه ماليه فادحة " واللهم لا شماته ".

ماذا ننتظر حتى يتم عمل قوانين تحفظ للجميع حقوقهم , و تعطى للجميع حريتهم الغائبه ,متى سنشعر بالامان ها هنا فى بلادنا و لا ننتظر امرا ماساويا جديدا كل صباح و عندما يقضى النهار نتنفس الصعداء .

سيدى ارئيس اعتقد انه ربما تراجع الامر قليلا و بما انك لا تريد خصومات مع افراد الشعب و اصدرت عفوا رئاسيا قد يحسب لك . اذا فلتشاهد ماذا يقول الشعب و بماذا يشعر الشعب ..حقا لا داعى لان تصبح فى خصومه مع 80 مليون شخص , اعتقد حينئذا سيكون الامر خطيرا جدا .

الجرين كارد

2008-08-09T08:39:00.000-07:00

ادهشتنى كميه الاعلانات الموجودة على صفحات الويب

عن الحصول على الجرين كارد و الاقامه فى الولايات المتحدة .

وللمره الثانيه ظللت افكر ماذا اذا ما حالفنى الحظ و سافرت الى هذه الدوله
ماذا لو سافرت و ماذا لو بدات هناك حياه جديدة ؟؟؟؟
و فكرت ان اقوم بتسجيل اسمى على سبيل تجربه كل جديد
فانا اعشق ان اعرف كل جديد
و فى كل مرة ارى الاعلان اجد ما يمنعنى من ان اقوم بالتسجيل
فينتابنى شعور غريب
هل ساشعر بالسعاده الحقيقة اننى فى امريكا
هل ساحقق كل احلامى لو سافرت الى هناك للعيش و الاقامه؟
هاتفت صديقة مقربه الى قلبى و كانت زميله دراسه ايضا
تعيش هناك مع زوجها
و تحدثت اليها ما رايك
اجابتنى فى سعاده نعم هيا تعالى الى هنا
هناك الكثير سافروا الى الولايات المتحده بهذه الطريقه
و لا تعيرى هما سوف تمكثى معى و ما الى ذلك من هذه الامور
قلت لها و ماذا ساعمل هناك
قالت لى اى شىء
مثلما يحدث هنا
يعملون فى اى وظيفه
و فى اى عمل
و قالت لى انتبهى امريكا ليست كمصر
فانها دوله تحب الجديه فى العمل و على قدر العمل ستجنى المال
فالمصريين هنا و بعض الجنسيات الاخرى يعملون لساعات طويله جدا
و يتعبون حقا لجنى الاموال
قلت لها اذا و لماذا اترك هنا لاعمل بهذه الدوله فى اى عمل
و ماالذى ساجنيه غير المال , هل فقط سيقال عنى اننى اعمل باعظم دوله فى العالم؟
اذا ما سيحدث لو عملت هنا فى موطنى فى اى عمل و ساجلب اموال ايضا
اليس افضل من ان اعمل بدوله اخرى و اعطى لها مجهودى
اليست مصرنا اولى بنا
الا يوجد بامريكا فساد؟
الا يوجد بها ارهاب ؟
الا يوجد بها قمع للحريات ؟

انهيت مكالمتى مع صديقتى و انا اقرب على البكاء
ليس بسبب الجرين كارد او بسبب حيرتى
و لكن لاننى قد قاربت على الدقيقه الخامسه و الثلاثون " مكالمه دوليه
و فى نفسى اقول بمقت " يحرق امريكا يا اخى"
" ,
و مع انهائى لمكالمتى مع صديقتى ..انهيت ايضا رغبتى فى التسجيل
للحصول على الجرين كارد

برده تاج

2008-08-07T20:24:00.001-07:00

التاج ده وصلنى من الاخ العزيز الفارس الملثم

و بعتذر يا محمد عن التاخير

التاج دة لذيذ و عجبنى بجد

استعنا بالله

لو اعطيتك 3 وردات من هم ال3 اشخاص الي هتديهم الورده؟

مش هعرف اقول اسماء

بس وردة لصديقه وقفت معايا فى وقت الشده

و ورده لواحد يحبنى بجد و يكون حنين

و هدى وردة لبنوته جميله خلت حياتى اكيد احلى

لو اعطيتك ورقه فيها 3 سطور تكتب الي انت عايزه تكتب ايه؟

اكتب

ان دوام الحال من المحال .. و محدش بياخد كل الى هو عايزه من الدنيا

اكيد لازم حاجة تنقص لحكمه يعرفها ربنا بس

.... ممكن ده يوجعك بس متعرفش الخير فين

صعب انك تعامل كل واحد على قد معاملته

. امنت انى لازم اتعامل باللى يرضينى و يريحنى حتى لو فى ناس متستهلش

عمرك ما هتعرف تقسى على ناس حبيتهم بجد ....حتى لو حاولت

ماهو هدفك في الحياه؟

ابدا حياه جديده

ان شاء الله بكره هيكون احسن من النهارده؟هل تصدق هذه العباره؟

طبعاااااااا

على فكرة الجمله دى مصبرانى على كتير قوى

اجمل مقوله سمعتها في حياتك ايه؟

عجبنى كتيييييييير قوى

بس اكتر مقوله عجبتنى الى قالها الفارس الملثم

لن تمتهن الا اذا تلهفت

لن تحتقر الا اذا توسلت

لن تموت الا اذا انبطحت ارضا وزحفت

من المغني الي بتحبه اوي واحلي اغنيه ليه ايه؟

مفيش حد معين

اى صوت يكون بجد حلو و كلمات جميله و لحن رائع

غزه تمثل ايه في حياتك؟

كابوس الامه العربيه

اللى بيحصل فيها هيفضل وصمه عار تلاحق العرب

و تفكرهم بضعفهم

اعطي لانتمائك لوطنك درجه بالمئه؟

ميه فى الميه

مصر عشقى الاول و الاخير

لو تزوجت وانجبت بنتين وولدين اسمهم هيكون ايه؟

ايه السؤال الغريب ده

مريم

عمرك غشيت في امتحان وانت صغير؟

ياااااه اهو السؤال ده اغرب من اللى فات

طبيعى جداا كنت بغش و كتير قوى

و سبحان الله كان لازم الى يغششنى هو الى يتكشف

و انا طبعا استندل ولا اكنى اعرف حاجة

قول 3 صفات ب3 كلمات اوصف بيهم شخصيتي؟

طيبه ....... رومانسيه قوى ..... طموحه الى حد الجنون

لو مرتبك كان كتير يكفي اجيب اغلي هديه اجيب لكل فرد في عيلتك ايه؟

لو ربنا ادانى و حد طلب حته من السما

من غير ما افكر اكيد هيحصل

برده بكلمه واحده ايه الصفه الي عاوزها في شريك حياتي؟

حنين قوى

ايه المجال الي غير دراستك وشايفه نفسي فيه اوي حتي لو كان الرسم علي الحيطه؟

دلوقت الصحافه

من سنتين كنت هقول غير كده

طب دلوقتي حالا ايه المكان الي نفسك تكون فيه ؟

عند البحر

*************************

مش هقول اسماء اهدى ليها التاج ده

انما اى حد يحب يجاوبه يجاوبه

الدعوة عامه

العدل يا رب

2008-07-27T02:43:00.000-07:00

اصبح دم المصريون بلا ثمن

اصبحنا لا نساوى شىء

بعد تبرئه الظالم و سحق المظلوم

بعد رد كرامه الجانى و لوم المطحون

اصبحنا بلا هويه هنا فى بلادنا

يا الهى

ادعو لك بان ترفع رايه الحق دائما

و تزهق كل باطل

ادعوك ان تعطى لكل ذى حق حقه

و تبعد عنا كل ظلم و هوان

ادعوك بان تحمى مصر و ابنائها من كل شر

ادعوك بان تعطى مصر العدل

العدل يا رب العالمين

العدل

حسبنا الله و نعم الوكيل

الحب الاعمى

2008-07-02T18:54:00.000-07:00

اعجبتنى هذه السطور فقد جعلتنى اتسال
هل هناك حب اعمى و حب بصير
و ماذا لو كان الحب بصير ؟
و هل حقا الحب الاعمى يصاحبه.........؟؟؟؟؟
اردت مشاطرتكم هذه القصه الاكثر من رائعه
و بالطبع فهى منقوله و لكن لا ادرى من كتبها
و لكن فيها من الخيال و التشبيهات ما جعلها تعجبنى حقا

********************************

في قديم الزمان
حيث لم يكن على الأرض بشر بعد
كانت الفضائل والرذائل.. تطوف العالم معا
وتشعر بالملل الشديد
ذات يوم ... و حل لمشكلة الملل ..
اقترح الابداع لعبة .. وأسماها الإستغماية
أحب الجميع الفكرة
وصرخ الجنون : أريد أن أبدأ .. أريد أن أبدأ أنا من سيغمض عينيه .. و يبدأ العد
أنتم عليكم مباشرة الاختفاء ...و بدا
واحد ... اثنين ... ثلاثة ثم اتكأ بمرفقيه .. على شجرة ..
و بدأت الفضائل و الرذائل بالاختباء
وجدت الرقة مكانا لنفسها فوق القمر
و أخفت الخيانة نفسها في كومة قمامه
و ذهب الولع واختبأ .... بين الغيوم
و مضى الشوق الى باطن الأرض
قال الكذب بصوت عال سأخفي نفسي تحت الحجارة ... ثم توجه لقعر البحيرة
و استمر الجنون : تسعة و سبعون ... ثمانون ... واحد وثمانون
خلال ذلك أتمت كل الفضائل والرذائل تخفيها ...
ماعدا الحب !!كعادته ... لم يكن صاحب قرار ... و بالتالي لم يقرر أين يختفى
و هذا غير مفاجيء لأحد…. . و هذا .فنحن نعلم كم هو صعب اخفاء الحب
تابع الجنون : خمسه وتسعون....... ستة وتسعون
و عندما وصل الجنون في تعداده الى : المائة
قفزالحب وسط أجمة من الورد ... و اختفى بداخلها
فتح الجنون عينيه ... وبدأ البحث صائحا أنا آت اليكم ... أنا آت اليكم...
كان الكسل أول من اكشف لأنه لم يبذل أي جهد في إخفاء نفسه
ثم ظهرت الرقّة المختفية في القمر
و بعدها .. خرج الكذب من قاع البحيرة مقطوع النفس
و اشار على الشوق ان يرجع من باطن الأرض
وجدهم الجنون جميعا ... واحدا بعد الآخر ماعدا الحب
!!كاد يصاب بالأحباط واليأس ... في بحثه عن الحب

الى ان اقترب منه الحسد وهمس في أذنه ,,الحب مختفي في شجيرة الورد
التقط الجنون شوكة خشبية أشبه بالرمح

و بدأ في طعن شجيرة الورد بشكل طائش... ... ليخرج منها الحب
و لم يتوقف الا عندما سمع صوت بكاء يمزق القلوب
ظهرالحب ... و هو يحجب عينيه بيديه و الدم يقطر من بين أصابعه

صاح الجنون نادما : يا الهي ماذا فعلت !؟
ماذا أفعل كي أصلح غلطتي بعد أن أفقدتك البصر
اجابه الحب لن تستطيع إعادة النظر لي
لكن لازال هناك ما تستطيع فعله لأجلي ...... كن انت دليلي
ومنذ ذلك اليوم
اصبح
الحب الأعمى ... يصاحبه الجنون

الحياه بكى يا مصر

2008-06-29T02:40:00.000-07:00

اين الامان بكى الان يا مصر

عندما يضيع الامان فى وطن تحبه بل تعشقه ..تصبح الحياه مستحيله , عندما تشعر بهذا الخوف و انت فى عقر دارك تصبح الحياه مستحيله , عندما نفقد اعز ما نملك وسط غابه الحياه من مال او اطفال او شرف او مبدىء , تصبح الحياه مستحيله ,, عندما نشاهد انفسنا تجر امام اعيننا نحو حفره من حفر النار و كانت مثل الجنه فى السراب , تصبح الحياه مستحيله
ها هى الحياه بك الان يا مصرنا

حياه اصبحت مستحيله

تاج الاغلبيه الصامته

2008-05-24T04:17:00.000-07:00

التاج ده من احمد سمير الاغلبيه الصامته
فبجد بشكره و بقوله لك يوم
:D
و نجاملك فى الافراح ان شاء الله

بسم الله
أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
الحلم الاول
كان نفسى اهتم اكتر بالرسم و الموسيقى كنت بحلم انى ابقى عازفة جيتار مشهورة او حتى رسامه
بس مشكلتى ان مكنش فى حد يشجعنى على ان انمى اى موهبه
يمكن ده مش مبرر برده بس اكيد تتمنى ان حد يبقى وراك و يشجعك
حلمى التانى
انا عملت خطوه فى حياتى و للاسف كنت مجبره عليها لو يرجع بيا الزمن مكنتش اعملها
او على الاقل كنت فكرت كويس قوى فيها
بس برده كل شىء بيد الله
الحلم التالت
كان نفسى قوى ادخل كليه سياحة و فنادق
لانى بمووت فى حاجة اسمها اثار و بالاخص الفرعونيه كان نفسى ابقى مرشدة سياحية
و مع ان الكل وعدنى انى هدخلها لو جبت مجموعها
بس ساعه الجد الكل نسى و قالولى البنت و مش البنت
المهم خلتنى ورا اخويا لحد ما دخلها هو
الحلم الرابع
لو رجع بيا الزمن شوية صغيرة كنت اخدت كورسات فى ادارة الاعمال
الحلم الخامس
انا بحب القراية قوى بس مجتش الفرصه انى اقرا كتير
و طبعا ظروف الحياه خلتنى كمان بعيدة الايام دى عن القرايه اصلا

**************
أذكر خمس أحلام على الاقل ..تخص مستقبلك
الحلم الاول
انى اصل الرحم اكتر من كده
انا الحمدلله بسال على كل قريبى بس ساعات بحس بردة انى مقصره
الحلم التانى
الستر من عند ربنا و مش يحوجنى لاى حد الا له بس
الحلم التالت
اسافر و الف العالم كله بحب السفر قووى
الحلم الرابع
انى ابقى احسن و انجح سيدة اعمال فى مصر قوولوا يا رب
الحلم الخامس
نفسى احس بالامان و الحنان فى حياتى و بس

*********
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن
للاسف مفييييييييش

**********
أذكر شخصين على الأقل غير متواجدين فى حياتك حاليا
كنت تود وجودهم الان او فى حياة اولادك مستقبلا
خالى الله يرحمه كان بجد قدوه و مثل اعلى
كفايه انه كان محسسنى بالحمايه فى الزمن ده
و جدتى بردة الله يرحمها
كان نفسى تبقى موجودة كانت بتحبى قوى حب غير عادى كنت بحس الامان فى حضنها بجد

و الان اهدى هذا التاج الى
شرين
الفارس الملثم
اجندا حمرا
سنووايت

وووووووووبس

انها مزهله

2008-05-15T23:30:00.000-07:00

عجبتنى جمله فى فيلم عربى هايف

واحد بيقول انها مهزله التانى

رد عليه قاله بظرف ايوة بجد مزهله

بصراحة الكلمه دى لقتها متظبطة علينا

وعلى كل البلاد اللى جبينا

لقيت كل بلد فيها مهزله

لو اتكلمنا على لبنان و الامريكان و الفتنه الى فيها

وكل واحد ثاير و فاضى يقول دى بلدى و مش هطاطى

و ناس تموت ومنهم بتتبهدل

بردة مهزله

لو قلنا على دارفور و الناس الى بقت فيها بتفور

مش عارفين يبقوا مع الحكومة و لا مع الثوار المنبوذه

بردة مهزله

و لو اتكلمنا على حاكمنا و الى راح بمنتهى الحكمة

يبارك لناس يهودية عفنه يقولهم مبروك على عيد ميلاد بلد منكوب

بقى دول عاملين حداد

و دول فرحنين و عاملين حفله

ماهو محدش بقى عنده دم و لا فطنه

بردة مهزله

اما نروح بمنتهى الخفة ندفع فلوس

علشان نقابل بوش بوحشه

و نقوله سلامات يا راجل وحشنا

تبقى مهزله

اما الامريكان يبوظوا لبنان و يقضوا على العراق و كل الاوطان

و يروحوا يقولوا بمنتهى الامان

احنا مع اسرائيل و بكل الوجدان

و اللى هيعكر صفوها و يحاول يلعب بامنها هيبقى من الاعداء

و من قسوتنا مش هيبان و من جبروتنا مش هينام

و حماس و حزب الله فى يوم هما كمان

هيروحوا فى خبر كان

دى بردة مش تبقى مهزله

اما نزيد شوية فلوس و يفضل فينا بردة المتعوس متعوس

ماهم تانى خدوا الفلوس

بس بخفه ما ههم فعلا شوية سوس

بقى عندهم مزاج يضعفوا النفوس

دى بقى مهزله

و لسه مصممين مش مكسوفين بنحارب نفسنا

بدل ما نتجمع و نقوم نحارب و نثور و نكافح

لسه قاعدين

يعدى الزمن و هنفضل قاعدين

نتبهدل و نهبل

و لسه قاعدين

بذمتكوا انتوا دى مش مهزله

بجد بجد مزهله

نهايه

2008-05-07T19:24:00.000-07:00

عاد الطير ادراجه عند الغروب
عاد بعد معركة مع الوجود
اراد الصحو من غفوته
علم ان السكات سجن عليل
لا يصمت فقط الا الذليل
اراد الانتصار فى المعركة
الا انه عاد يشكو النزيف
لكنه لم يندم على المحاوله
اراد القول كفى لا مزيد
من الذل و الظلم
اراد التحرر من العدو
علم ان العدو ليس من احتل تراب وطنه
لكنه من احتكر قوت يومه
اراد قهره و دفنه
اراد التحليق بعيدا فى سماء الحياه
اراد فك القيود
الا ان معركته لم تكن متكافئه
و الى متى ستكون هكذا
الم يحن الوقت لان يكون الطير كله مترابطا
ليستطع ان يقتل من تسبب فى غضبه
و جوعه و موته
فلا يوجد مفر غير ان يثور ثانيا
ربما ثالثا
ليعود فى الصباح رافعا راسه
ينتقم لنفسه
ليؤتى ثمار النصر و النجاح
فلكل ظلم نهايه
ستكون حقا هى النهايه

الذ تاج من احلى شرين

2008-04-30T09:57:00.000-07:00

التاج دة وصلى من شرين و بصراحة التاج لذيذ بجد

اتكلم عن نفسك فى عشر نقط

اولا

انسانه طموحة جدا و ساعات بشوف ان دة صح و ساعات بقول عليه غلط

بحب الشغل جدا جدا بحس انى جوايا طاقه كبيرة

لازم تستغل صح لانها ممكن تبقى بالنسبة ليا طاقه مدمرة

و على راى ماما

حاسة ان نهايتى مش هتبقى طبيعية

ثانيا

بحب الحب قوى مشاعر تضحية عطاء بلا حدود حاجات كتير

مهما كتبت عنها مش هعرف اوصفها

الذ حاجة ممكن اشوفها و انا ماشية

اتنين ماشيين مع بعض مسكين ايد بعض و باين عليهم الحب

و الحب اللى بحس بيه مش علشان مسكين ايدين بعضهم

بحسه اما الاقى الولد بياكل بعنيه البنت الى معاه

و بيبقى خايف عليها قوى و نفسه يخفيها من عيون الناس كلها

و البنت بلاقيها بتبصله بحب و امان و انها اكيد حاسة معاه بالحنان

يا بختهم

ثالثا

بحب البحر قوى قوى

بحب اما اكون مضايقة اروح مكان فيه بحر و اقعد قدامه و اكلمه و افضل اتكلم و اتكلم

و اسيب دموعى هى كمان تتكلم لحد ما الاقى نفسى هديت

بحب فيه كل حاجة ثورته و هدوءه بحب امواجه اما تضرب الشاطىء بحب قوى منظره بليل

و ساعه الشروق

و خاصه ساعة الغروب

بيهز فيا مشاعر غريبة

بس بجد جميله قوى

رابعا

اعترف انى ساعات بسيب حقى

يمكن اكون بتكسف اطلبه

و يمكن كمان اكون مش محتاجاه و اسيبه بمزاجى

انما الى يغظنى قوى ان الى قدامك يتعود منك على كدة

او انه يحس بالانتصار انه اخد منى حاجة هو متهئيله انها غصب عنى

خامسا

ديما بحب ادى الامان لاى بنى ادم معايا

حتى لو عرفته لمرة واحدة

بحب ديما احسسه بالامان مش لاكتر من انى اصلا كدة

بحس ان اى حد اعرفه و معايا بقى مسؤول منى و لازم احميه من اى حاجة

او من اى موقف يتعرضله

بحس ان دة واجب عليا

و دى حاجاة تخنق , عارفه

سادسا

بموت فى حاجة اسمها مصر

بعشق ترابها بجد

بحب نيلها و جوها و نسيمها و بحرها

بحب كل حاجة فيها

و يا رب تبقى احسن بلد فى الدنيا

و هفضل وراها مش هسيبها

سابعا

بحب ديما اطور من نفسى

و بحب ديما اتعلم كل يوم جديد

و بسعد قوى اما بحس انى اتغيرت عن السنه الى قبلها

او انى بقيت اعقل من قبل كدة

بحب ديما ابص لفوق

و بحب ديما انى احلم و الاحسن و الى بعتبره ميزة و غيرى بيعتبره عيب

انى بحاول على قد ما اقدر احقق احلامى حتى لو كانت مستحيله

بحاول و ساعات بقدر و ساعات ربنا مبيردش

بس برجع احاول تانى

ساعات كتير بفشل فى حاجات

بس بحب ديما ارجع و اقعد مع نفسى و احاسبها و اشوف فين غلطاتى

و اظبط نفسى و استعد من تانى للمواجهة

و ارجع احاول من تانى و عادة بنجح و الحمدلله

الحمدلله مؤمنه انى اقدر اعمل اى حاجة فى الدنيا لو انا عايزة اعملها

بحس انى قدراتى ملهاش حدود و بحمد ربنا

ثامنا

ساعات بحس ان الصدق فىكل حاجة مش بيجب غير مشاكل بالنسبة ليا

لانى اتاكدت ان المجتمع الى احنا فيه فعلا بيصدر اوامر على البنت او الست

و بيحطلها حدود ظالمه و بيقولها متعديهاش

كنت ساعات كتير بضطر اخبى الحقيقة علشان

زى ما بيقولوا امشى حالى دة على المستوى الشخصى بس

و طبعا دة بيرجع ان الكل فاكرنى مجنونه

انما الحمدلله خلاص اتعودت انى بقول الى انا عايزاه

و اى حد يكلمنى اقوله انا كدة رانيا طبيعتها كدة

غير كدة بقول كلمه الحق فى اى موضوع و بحاول ابقى محايده بقدر الامكان

و بحب ديما لو اقدر اعمل حاجة تساعد فى اى موضوع او قضية او اى شىء

بعملها و اقول الحق و لا يهمنى

و ساعات بقول كلام رخم بيطلع منى كدة

بس و الله مش ببقى قصدة

بس الى قدامى اكيد بيضايق و اكيد لو مش عارف طبيعتى

و بحاول احاسب على كل كلمه تطلع منى و ربنا المعين

تاسعا

بعترف انى عصبية

بس عصبيتى دى زادت قوى فى الاوقات الاخيره من مواقف اتعرضتها

و كانت فى منتهى القسوة

بحاول اغير من نفسى

بحاول ابحث عن المثاليه

عارفة انى مش هوصلها بس على الاقل اكون قربت منها

بفكر كتييير جدا طول ليلى و نهارى بفكر فى حياتى

و ازى انى ممكن متحوجش لاى حد فى يوم بحب اعمل حسابى علشان

اما اتحط فى اى موقف اعرف اتصرف فيه

طبعا كل شىء بتاع ربنا

بس برتاح اما بعمل حسابى لاى ظرف مفاجىء او اى حاجة تحصل

ومشكلتى الاساسية و فى ناس بتعتبرها ضعف انى بفكر بقلبى كتير قوى

بفكر بعواطفى و دى مشكله فى الزمن الى احنا فيه دلوقت

و طبعا دة اثر كتير عليا فى حياتى الشخصية و العمليه

و اتظلمت كتير بسبب ده

عاشرا

بعتبر نفسى انسانه كويسة مش وحشة و حتى لو كنت عملت غلطات

مفيش انسان معصوم من الغلط و بعتبر نفسى مجنونه فى مشاعرى

طيبة و ممكن اكون بعرف اظهر الحب و الحنان الى جوايا

مش بعرف ابخل بيهم على اى حد اعزه او احبه

بعتبر نفسى بعرف افكر كويس و مع ان الكل بيقف ضدى فى افكارى او فى تصرفاتى

فدة انا بعتبره انى ماشية صح

مع العلم انى بفكر فى كل اعتراض بيتوجهلى و بحاول افكر فيه بالمنطق

عارفة انى رغيت و كتير

بس لو كان اتقلى اكتبى عشرين نقطة كنت كتبت اكتر

لسه فى حاجات كتير عايزة اكتبها عن نفسى

اختار خمسة و اديلهم التاج

يا مراكبى

عمار جرار

احمد سمير

قلب ينبض لله

ا ب ج د

لازم تبلغيهم

اكيد هيحصل

و مش ناوية ارجع التاج

للى بعتهولى تانى

طبيعى يعنى

حاجة غلط

2008-04-24T23:00:00.000-07:00

اكيد فى حاجة غلط يا اخوانا و الله

شوفت على القاهرة اليوم افراج اسراء عبد الفتاح

و طبعا زى اى واحدة فى مصر فرحت جداااااااا

و اكيد زى اى واحد فى مصر دمعت من المشهد المؤثر

ما علينا

العجيب

انها اتكلمت و فضلت تشكر قوى قوى فى المعامله اللى اتعاملتها جوه السجن

و الاكل الحلو و الشرب الاحلى و القرايه و كل الحاجات دى

و الغريب

انها قالت عرفت قد ايه انى مكنتش فاهمة و كان عدم تقدير منها

دعوتها للاضراب

يعنى الاضراب اللى كان وقفة بجد للشعب و اتحاد تقريبا لكل القوى الوطنيه

دلوقت بقى تصرف منها غير لائق و كان بسبب عدم فهم

معقوله

انا هنا مش هتكلم عليها

الله يكون فى عونها بجد

فى اللى شافته

بس الى بستغرب له دلوقت

ان فى حاجة غلط

اة و الله اكيد فى حاجة غلط

يا احنا فاهمين الحكومة و الداخليه غلط

و دى انا اشك فيها

يا هما بيعملوا غسيل مخ للناس الداخله عندهم

و الله اعلم

************************************************

تحديث

اشترك معانا فى حمله توقيعات المدونين لنصرة رسولنا الكريم

صلوات الله عليه و سلامه

اترك توقيعك فى مدونه قولا سديدا

العائد من الموت

2008-04-16T02:57:00.000-07:00

نويت ان اكتب عن العائد من الموت
نعم لقد عاد الى الحياه رغيف الخبز ( تصفيق حاد) ,, فوجئت منذ يومين
بان كل المخابز لا يوجد امامها اى انسيا و ان العمال يجلسون يضحكون مع بعضهم البعض
و المفاجاه , مئات الاكياس البلاستيكيه على الارض مملؤءة بالخبز فى
انتظار من ياخذها , و قد قلت ان الامر فردى و مؤكد ان
هذا المخبز ( عليه وسطة ) ,,, ما دعونى للشك , ان كل
المخابز التى رايتها و اعنيها ان كل المخابز فارغة لا يوجد غير انسان
او طفل واحد فقط و قد ملات الابتسامه
وجهم ,, ابتسامه رضا و ظفر بهذا الرغيف
الذى اصبح فى وقت مثل الفراخ المشوية
المفاجاه الثانية كاد طفل صغير ان يخبطنى بعربته التى يمشى بها
و اعتقدت من النظرة الاولى انها عربه للتوصيل للمنازل
و كان المنظر الصاعقة
و الذى جعلنى افرك عيناى عدة مرات مكتوب على العربه عربه الخبز ,,خدمه
توصيل الخبز الى المنازل, ادرك ان البعض متوقع ان ساقول
اننى اسيتقظت من نومى بعد هذا ,و
لكننى اقسم بالله انه كان حقيقه , ( ناس بتبرق) ,, و كنت قد نويت تصوير العربه
الا ان الصبى ارمقنى بنظرة سخريه ( قال يعنى بعكسه) ,,, مضيت فى طريقى
و ( همووووت) كنت اتمنى تصويرها , و السؤال الان
هل عاد الخبز من الموت حقاا ام انه مازال فى مرحله ما قبل الموت .
هل قامت الحكومة حقا بعمل حلول جذرية لحل هذه الازمة ,, هل برنامج
مفيد و فوزى و الذى اهان فيه وكيل اول وزارة التضامن الاجتماعى
و جعل منه اضحكوكة الحلقة هى من كانت دافع لحل هذه الازمة
هل مقتل الشباب على منافذ المخابز من كان سببا فى رق قلب الحكومة
لحل الازمة , ام ان تهديد الرئيس مبارك
لنضيف ( طويل العمر يطول عمره و ينصره على من يعدية هاى هىء) , هو من حل هذه الازمة
السؤال الاهم ان مدينتى فقط هى الاولى بين
مدن الجمهوية التى يوجد بها هذا الامر؟؟؟؟؟
و عجبــــــــــى

شعب لا يستحق الديمقراطية

2008-04-13T02:26:00.000-07:00

اعلم ان ما سأقوله الان مناقض تمام لما كنت اقوله من قبل

و لكن للاسف هذا الان ما يجول فى نفسى

بعد ان فؤجت بتصرفات غريبة من اناس كانوا فى قمه الوطنيه

و البحث فقط عن المصلحة العامة و ليس البحث عن الذات

و قد تعودت ان اسطر و اقول بكل حرية ما يجول فى خاطرى على الرغم من كم التناقضات

فهذه طبيعة البشر

نحن حقا لا نستحق الديمقراطية
نعم اعنيها و اعنى كل كلمه فيها ,نحن شعب لا يستحق الديمقراطية

بل ايضا ما يخجلنى ان اقول ان هناك اناس لا يفهمون شئيا عن الديمقراطية غير اسمها فقط ,, لا يفهمون

معناها ولا ما تؤديه من رساله ,ينادون بها و يهتفون باسمها

و هم فى منتهى الدكتاتورية فى التعامل مع بعضهم البعض
ما هى الديمقراطية ؟ ماهو معناها الحقيقى كيف يريد الشعب المصرى ديمقراطية صحيحة
ماذا سنصنع من اجل الحرية ايها الشعب المصرى

ليس الصراخ و الهتاف بنعم للديمقراطية هو الحل . اعتقدت و نحن نقف يدا واحدة ضد الظلم

و نقول لا فى صوت واحد اننا جديرين بهذا الحق نستحقه و نستحق ان نعيش الحرية التى نريدها .
كيف سنسترد حقوقنا المسلوبه و نحن نسلب حقوق غيرنا فى التعبير ,, كيف سنعيش عيشة هنيئة

و انت تحجر على اخاك فى المطالبه بحقوقه ,, اين ديمقراطيتك اخى فى التعامل مع اخاك ,,,اين ؟؟؟ للاسف

اصبت بالاحباط من اكتشافى ان هناك اناس يهتفون فقط , يهتفون من الخارج يصرخون من اجل الصراخ

و لكنهم فى الاصل فى منتهى الدكتاتورية, مازلنا نحتاج الى الكثير من التدريب على هذه الديمقراطية و الحرية المطلوبه, ليست الحرية فى اننى افرض رايى على غيرى

او الحرية ان اتطاول على اخى بالسباب لاظهر قوتى المدفونه , و اتظاهر باللباقة

و انا لسانى ينطق مهاترات و اسفاف
للاسف مازلنا نحتاج الى تعلم ما هيه ثقافة الديمقراطية. حتى نستطيع

ان نكون جديرين بها و بالعيش فيها .

لك الله يا مصرنا

عن اضراب 6 /4

2008-04-07T20:52:00.000-07:00

قد قالت كثير من القنوات التيلفزيونية ان الاضراب قد فشل ,و انه لم يحدث من الاصل و لكننى فى رايى الشخصى انه لم يفشل و ان عددا كبيرا قد اضرب ,و انه برغم كل هذه المحاولات الامنية لقمع غضب المصريين الا انها حقا خطوة فى طريق النجاح و طريق الحرية

مرفق فيديو لمظاهرات نقابه المحاميين و اعتذر عن ردائة الصورة
اول مرة ليا بقى :) .

بهيه

2008-04-01T06:00:00.000-07:00

انت يا ابنى انت و هى
قاعدين ليه دى الليله عرس بهيه
عروسة تمام من بتوع زمان
لسه شباب فيها حيوية
حاطة اسود و احمر و ابيض
متزينه لليله عرسها البنيه
حقها مش بهيه و طول عمرها سخيه
هتقوم تلبس فستانها الابيض
و تحط طرحتها و تقوم تنزل وسط ناسها و تتمخطر
ماهى بهيه و لازم هتطلع شقية
فى عيون كل الصبيه
يلا يا بنيه شدى حيلك
الكل مستنيكى تيجى بخيرك
و اوعى تيجى مرة و تبينى بخلك
دة الكرم اصلك و العطف منك
و الحنان فى حضنك و الحب فى دمك
يلا قومى بقى اتاخرنا
احنا وراكى هنبقى معاكى
اطمنى مش هتلاقى حد تانى يستناكى
هنحميكى و هندعى ليكى ربنا يخيلكى
دة انتى بهيه الصفية الى جوة قلبنا محميه
يلا قومى الزفة مستنيه قدومك
نفسها تزفك و و حواليها تلفك
دة انتى غاليه اوى و بنحبك اوى
و يلا يا قوى عينا على القوى
ساعدنا نحمى بهيه
من الى عايزين يقتلوها و منها يحرمونا
معقوله هنعرف نعيش من غيرك
معقوله هنحب غيرك
لا و الف لا منقدرش على الحياه كدة
بيكى و بينا و الا فلا
مش كدة بردة يا موهجه قلبنا

تاج مميز جدا

2008-03-26T05:25:00.000-07:00

التاج دة وصلى من ولاء انا موجودة

و طبعا بشكرها على التمرير و تاج فعلا مميز جدا

بسـم الله نبتدى

لو سألك غير مسلم عن نبي الإسلام بماذا ستجيبه في سطور ؟

هقول رسول الله محمد صلوات الله عليه و سلامه

اخر المرسلين و شفيعنا يوم الدين

نبى الامه و حبيب الله

الصادق الامين

نبى الرحمة و الانسانية

اتيحت لك الفرصه لرؤيه رسول الله أى الاماكن تريد ان تقابله فيها ؟

كان نفسى اشوفه فى الاقصى

وادعو الله ان اشوفه فى الجنه يا رب

قولوا امين

وماذا ستقول له ؟
هعتذر له عن كل الى قاله الجهله فى حقة

و هطلب منه يسامحنا على تقصرنا حتى فى نصرته

و اكيد هطلب شفاعته يوم العرض على رب العالمين

كرر مقوله قالها النبى صلى الله عليه وسلم كنت تتمنى ان يقولها لك

مفيش مقوله معينه كنت اتنمى يقولهالى لان كان نفسى فى صحبته

كان نفسى اقعد معاه و اسمع كل كلامه و هو خارج منه

اذكر احب حديث من الرسول صلى الله عليه وسلم الى قلبك

قال الرسول الكريم صلوات الله عليه و سلامه

من راى احدا منكم منكرا فليغيره بيده فان لم يستطع فبلسانه

فان لم يستطع فقلبه وذلك اضعف الايمان

كيف تعرفت على سيرة سيدنا محمد؟

دراستى و دلوقت من المواقع اللى بتحكى عن سيرة اشرف خلق الله

اذكر خلق من اخلاق النبى صلى الله عليه وسلم واستشهد بموقف؟

التسامح

اشرف خلق الله كان رحيم و سمح و لذلك سمى نبى الرحمة المهداه للانسانية

عندما جاءوة اهل بنى قريش يطلبوا السماح

اخ كريم و ابن اخ كريم فقال لهم

اذهبوا فانتم الطلقاء

هل هناك تأثير لرسول الله صلي الله عليه وسلم على "شخصيتك أو حياتك

أو بيتك إذا كانت الإجابة نعم فاذكر مثالاً واحداً لكل منهم

اكيد فى شخصيتى

الرحمة والتسامح كمان

تمرر التاج لمين ؟؟؟؟؟

لكل واحد يحب يجاوب عليه

و يقول كلام فى حق احب خلق الله

سيدنا محمد عليه صلوات الله و سلامه

بنــاء مواطن

2008-03-15T08:43:00.000-07:00

الاهم من بناء المناطق هو بناء المواطن
و الاهم من بناء المواطن هو بناء الابناء
لان الابناء هم المستقبل
افتتح مقالى هذا بهذه الكلمات و التى اخذتها عن فيلم عربى ,

فهى حقا تعبر عن واقعية شديدة جدا .حيث الاهم من بناء المناطق هو بناء المواطن

و لكن!!!اين المواطن يا ساده؟ اين يوجد هذا المواطن ؟
مع وجود الفرق الشاسع بين الطبقات فى هذا البلد اين يوجد هذا المواطن

و الذى يتواجد المئات بل الالوف منهم فى العرى و عندما يحاولون التعبير عن هذا او التحدث بشان حقوقهم المسلوبه يهانون على قارعة الطريق فى اسلوب وحشى و همجى و لا فرق بين امرأه و رجل و لا طفل و لا شيخ .
اين هو بناء الابناء و نحن نرى كل يوم ما بين متطرف او من اصبح عضو جديد من اعضاء فرقة اطفال الشوارع او من هم يعيشون فى بذخ هائل و لا يعرفون ما قيمة وطن او الاحساس بما هيه مشاكل هذا الوطن

,, فنعم الابناء هم المستقبل.
و لكن بهذا الحال يؤسفنى القول بان المستقبل اصبح اسودا هكذا ,انا لست متاشئمة و لكن اليست كل الظروف تقول ذلك ااذ ما تكلمنا عن الابناء و انهم المستقل فسوف يكون مستقبلا يعاننا الله عليه
اين هى التربية و اين الاخلاق التى نربى عليها ابنائنا , اين العدل؟ القابع فى هذا الوطن ,
اذا ما راينا سنجد نوعين , نوع تائه لا يستطيع تدبر قوت يومه و لا اشباع اقل اقل رغباته و الاخر يتلذذ فى متاع الدنيا غير آبه بما يحدث.ما هذا ؟

لقد نسيت ؟ اين هى بناء المناطق !!!!! نحن لدينا المئات بل الالوف من الناس فى العرى بلا سكن او مئوى , لدينا من العشوائيات الكثير و الكثير قنابل موقوته فى مصر تنتظر لحظة الانفجار و اذا ما انفجرت سوف نعيش ايام اعاننا الله على تحملها .
لما هذه الفجوة التى تفرق فيما بيننا و متى سوف نجد لها حل ؟ هل بعد ما تتكاثر اعداد الشباب العاطل ؟ ام عندما نجد افواج و افواج من اشخاص غريبة تتحول بعد ان كانت انسية فبفضل البطاله و اختفاء الطبقات الوسطى و بعض الفساد و الظلم و القهر تحولت و اصبحت شيطاين تعبث فى مصر .
كيف نقوم ببناء المناطق و هناك من يتحكم بتكويناتها و يحتكر اسياخها ؟ لماذا اصبح كل شىء فى مصر قابل للشراء البيع و الجديد هو الاحتكار؟
لما اصبح الشعب الان يتناسى كل مشاكله و لم يعد يأبوا غير ان حارس مرمى مصر هرب و لم يعد
او انه وصل الى ارض الوطن فى سلام و يسر ؟ لما قد نتناسى ما يحدث لنا و لم نحاول ان نجد له حلول , نبدا بانفسنا نبنى فعلا مواطنين . تبنى الدوله مواطنين لهم كرامتهم و من حقهم التعبير عن رايهم بشتى الطرق . و نحن نبى ابنائنا و نربيهم تربية حسنه و نغرس فيهم حب وطنهم و حب انفسهم و اهلهم حتى نستطيع ان نبنى مستقبل مشرق غدا و لا نقع فى براثن عنف و سطو على كل ما هو مرتبط بالقيم و المبادىء و المثل العليا. اعتقد اننا وقتها قد نتمكن من بناء مناطق و بناء مواطن و اخيرا بناء ابناء لمستقبل مشرق .

رانيا

ابناء مصر

اين العقل

2008-03-11T02:45:00.000-07:00

لماذا مع كل هذه القنوات الدينيه المنتشرة فى الفضائيات

و مازال الناس الى الان يسبون فى الاسلام و يعتبرونه دين الارهاب

لماذا

هل الاعلام هو السبب حقا , ربما يجدون العيب فى هذه القنوات

هل ما تبثه من مواد اعلاميه لا يكفى ان يجعل العالم كله يتاكد ان الاسلام دين السماحة و السلام

ام الامر اكبر من هذا بكثير

هل مع انتشار اعداد الداخلون الى دين الاسلام فى العالم هم من يجعلوهم يشعرون بهذا الحقد

هل سيرة اشرف الخلق عليه الصلاة و السلام

و تاريخ الاسلام كله

و قراننا العظيم

و الى الان

مازلوا يعتقدون باننا دين ارهاب و عنف و سفك دماء

بالنسبة للاعلام و القنوات الدينيه

ساتكلم عن نفسى و مع احترامى لكل من سيقف امامى و يقول انى مخطئة

فانا لا احب ان اشاهد هذه القنوات و هنا لست اعمم

و لكنى اقول ان معظم هذ القنوات لا تجذبنى انا شخصيا و انا مشاهدة مسلمه

ما بال الغير مسلمين فى انحاء العالم

معظمها قنوات تبعث عليا الممل و لا افهم منها الا اقل القليل

الم يحن الوقت لاعادة الصياغة ؟

و بث قنوات مثمرة شيقة تجذب المشاهد و تجعله ينغمس اكثر فى هذا الدين

كم منا يشاهد هذه القنوات لاكثر من ساعة

اعتقد اننا يجب ان نعيد صياغة كل شىء و ليس فقط الاعلام

لنعلم كيف ننصر ديننا

ما الذى يجعل واحدة كالتى تحدثت فى الجزيرة ان تقول مثل هذه الاقوال على الاسلام كدين

و على المسلم بانه رجل غير عاقل

لماذا ؟

كيف نحن غير عقلاء و اين هو العقل

اين هو العقل يا سادة

اين هو العقل

اين انتم؟

2008-03-02T03:48:00.000-08:00

مالى لا استطيع الكلام
و ان اعبر عن ما يدار فى خلدى
هل الكلام سيبلغ عنى قولى
او هل كلماتى
تستطيع ان تحد من عنفى
او تحكى عن حزنى
او تقول لما اشعر بهذا الألم يعتصف قلبى
او يخنق نفسى
لما نحن سكاتا راضيين واقعين تحت مذله و انكسار
لما نحن كمثل المتامرين عن بلد أصابها الأنهيار
لما نحن كعرب نجبر على هذا الظلام
الذى يخنق بلدا و من ثم يخنق الوئام
هل سنمتثل الى هذا السكات
الم يحن وقت القول بأنه لا انهزام
لكثرة مسلمه لا تقبل الهوان
و لا تقبل الذل و الموت على يد حطام
اين انتم يا عرب اردتم السلام
ايوجد سلام مع اناس ترقص طربا على جثث الأطفال
و النساء و الشيوخ الأبطال
ايوجد سلام مع يهود كفره ترفض الكلام
و ترفض وجود اللسان
و تتكلم بالبنادق و تدوس بالأقدام
على كل من قال لا للظلم و القهر و الهوان
اين انتم يا صنعه السلام
يا من تريدون وقفه للأمن و الأمان
اين انتم
و جثث الاطفال تقول هيا لا تدعونا نموت هباءا
لا تدعونا نظل عجازا
لا تبخلوا على بلدنا بالعطاء و النصر لو جاء
اين انتم يا عربا تريدون العيش فى تؤدة و هناءا
هل تستطيعون النوم ليلا و هناك يموتون كالطير المصاب
هل تستطيعون العيش فى سعادة
و ايديكم و افواهكم مكبله بمثل هذا السكات
اين انتم و الى متى يا عربا أشرافا
يا من كنتم تتحدون فى مثل هذه الأحوال
اهو كان كلام كان سرابا
اليست هذه أرضنا و ترابها زعفرانا
ارض مقدسة و مات عليها الأنبياء
أين أنتــم يا عـرب
أيــن انتـــم

كلمات

2008-03-01T06:25:00.000-08:00

غريبة انتى ايتها الدنيا

لا تقفى ابدا عند احد

فالذى يرحل فليرحل

لا يهمك

و الذى يتنظر منك وجها حسنا

سيظل ينتظر الى ابد الابدين

غريبة انتى حقا ايتها الدنيا

كلمات جالت بخاطرى

Party

2008-02-26T16:13:00.000-08:00

Happy Bithday To My Blog

انهاردة عدت عليا سنه فى التدوين
اول مدونه دى بصراحة غيرت كتير فيا
اكشتفت حاجات مكنتش اعرفها فى نفسى
بقيت اقدر اعبر و اكتب كل الى جوايا
بقيت اقفل بابى و افتح مدونتى و اقعد عليها بالساعات
اكتب و اكتب
و اهو عدت عليا سنه هنا و انا فى المدونه دى و لا حسيت
كل سنه و انا طيبة
و كل سنه و هى طيبة
و كل سنه لمدوناتى التانية كمان و هما طيبين
:))

Otherfeelings

Thoughts

So let's celebrate

And

Have anice day

:))

الحلم الامريكى

2008-02-24T01:46:00.000-08:00

لماذا امريكا ؟

كلنا نعلم ان امريكا على الرغم من انها من دول العالم الاول و انها بلد ديمقراطى الا انها ليست بمثل هذه الصورة ابدا, فانها ليست حتى بلد ديمقراطى و ليست بلد الحرية ايضا كما تدعى و لكنها دوله مثل الافعى تبث سمومها فى كل الاتجاهات .و ايضا شعبها يعانى تقريبا مثل الضغوط التى نشعر بها مع الفارق الطفيف بيننا و بينهم و ايضا يعانون من الفجوات بين الطبقات و الفقر و على الرغم من ندائهم المستمر بحقوق الانسان الا انهم يقتلون و يسرقون و يغتصبون

ما هذا ؟

دوله تدخر اموالها و جنودها و حكومتها من اجل قمع و استعمار و قتل ابرياء من الدول الاخرىو ايضا تساعد دوله مثل اسرائيل فى سحق ما تبقى من ابرياء بقوا على قيد الحياه ,

لما كل هذا الحقد ضدنا نحن العرب, لما تحاول التدخل فى شئون كل دول الشرق الاوسط ؟

الحلم الامريكى

ما هو الحلم الامريكى ؟

ان تذهب الى هناك لترى البرود فى التعامل بينهم و بين بعض ؟ ام تسرق ليلا عن طريق قطاع الطرق؟ ام انك تساهم فى قتل المزيد من الابرياء ؟ او للعمل نادل فى احد المقاهى او فى مطبخ احد المطاعم ؟ هل بهذا الحال سوف تحققق حلمك؟

التكنولوجيا

ماهى هذه التكنولوجيا

انا لا انكر انه يوجد فى امريكا على الاقل احترام للعلماء او حتى العمل من اجل تطوير هذه التكنولوجيا ؟ و لكن ما فائدة هذه التكنولوجيا عندما تستخدم فقط فى الحروب و الاستعمار و التدخل فى شئون الاخرين ؟

انسوا ما يحدث فى العراق و ما يحدث فى افغانستان؟ اليسوا يقتلون الابرياء هناك من نساء و اطفال و شيوخ ؟؟ فانا لا انكر ان الولايات المتحدة بها من الايجابيات الكثير و لكن ايضا يوجد بها بعض من السلبيات ليست بالقليل

لماذا الشباب يريد السفر خارجا و لا يضع فى اعتباره ما سيحدث لهم ؟ هل يسافرون من اجل احترام لادميتهم خارجا ؟ ام من اجل حفنه من المال ؟ ام من اجل وظيفة مثل ما سبق ذكره ,

و كيف سيعاملون هناك ؟ كيف سينظرالشعب الامريكى الي بعض الشباب العربى جاء اليهم لطلب العمل او المال او حتى العيش فى امان بينهم ؟

و للاسف

مازال الحلم الامريكى يراود الملايين من الشباب

وليعلموا انه ليس بحلم و لكنه كابوس سوف يسحق الجميع فى زمن ليس بالبعيد

احساس غريب

2008-02-21T02:55:00.000-08:00

حاسة انى غريبة قوى الايام دى

مش طبيعية

احساس غريب و مش عارفة حكايته ايه

الواحد ساعات بيبقى زهقان و ساعات حزين

و هو مش عارف ايه السبب

و ساعات بيبقى عارف السبب

و بيتناسى الاحساس دة

بس حسيت انى بقى شكلى كدة

بالظبط

و بقى نفسى اعمل كده

بالظبط

ربنا يستر بقى

لا يوجد عنوان

2008-02-14T02:49:00.000-08:00

لا اجد عنوان مناسب

قبل البدء سوف اعتذر عن اى شىء يبدر منى

فانا الان فى قمة انفعالى لا ادرى ما ساقوله او ما سافعله

و لكنى اريد الكتابه فقط

قمت بزيارة مدونه اقل من يقال عنها انها ملحدة

لا اجد اى لفظ سيعطيها مقام لها

فانا لست ضد التيارت الدينيه الاخرى

فانا اعلم ان لا اكراه فى الدين

و ان لكل شخص تفكيرة و عقله الذى يوزن الاشياء

و احمد الله انه جعلنى من المسلمين

و لكن ما شاهدته الان لا يوصف

لا استطيع ان اصف مقدرا بشاعة ما رايته او ما قراته

فكان ما قراته شخص يسبح فى عالم الالحاد فهو لا يؤمن باى شىء غير انه انسان

و هذا ليس ما جعلنى انفر كل هذا النفور

لان هذا رايه و تفكيرة و لا يسعنا قول شىء غير

ان نشهد ان لا اله الا الله و ان محمدا عبدة و رسوله

صلوات الله عليه و سلامه

و لكن ان يضع صور مسئية لرب الكون

يضيع رسوم مسيئة لرسولنا الكريم

يضع صور تمس قراننا و تمس ديننا الحنيف

يضع صور تمس المسحيية و تصفها بابشع الالفاظ

فهذا ما جعلنى اشعر بهذا النفور

ما هذاالذى يفعلونه

فلو كان واحدا غربيا كان الامر هيننا

لو كان الامر من مجله اوروبية اورسوم امريكية فقلنا انهم اعدائنا واعداء ديننا

ما هذا

فى بلدنا

فانهم بيننا نعاملهم و يعاملونا

ما هذا؟

بدا الامر لى خطيرا و فى تزايد

ووجدت بعض التعليقات على هذه الموضوعات

ووجدت بعض منها يشيد بما قاله المدون و البعض الاخر ينفر و يستاء و يقبح فى الالفاظ له

و البعض يقول هيا يا من اسلموا هل هذه سماحة دينكم تهينوا من لم يكن معكم

فانكم لمتخلفون حقاااااا

و لاحظت ان التعليقات قد تكون كلها بتاريخ يوم واحد

فجال بخاطرى هل الملحدون فى بلدنا بهذه الكثرة ؟

او انه من كتب هذه التعليقات بنفسه ليشيد بافكاره

لا اعلم

فوجدت اننى لابد من التكلم بهذا الشان

و لابد من معرفة ما كل هذا الحقد و الكره لديينا و للاديان السماوية الاخرى

اعرف الى اى مدى سيصل بنا عقلنا

و هل حذف خانه الديانه سيجعلهم يشعرون بحريتهم الدينيه؟

لا اعلم

اللهم ارحمنا يا ارحم الراحمين

مبروووووووك

2008-02-10T22:15:00.000-08:00

مبروووووووووووووووك لمصر

الف مليوووووون مبروك لشعب مصر

بقالنا كتير مفرحناش

الحمدلله

احنا فعلا بنحب مصر قوى يا جماعة

بنحبها قوووووووووى

عرفان

2008-02-09T01:48:00.000-08:00

الى رجل كان يحب مصر

الى رجل افنى عمره فى نضال لمصر

الى رجل احب ان تظهر كلمه الحق

و تدفن اى كلمه باطل ضد مصر

الى مجدى مهنا

البقـــاء لله وحده

تاااااااااااااج

2008-02-07T17:59:00.000-08:00

التاج دة من شمس الزتانى و بصراحة هو بعتهولى من زمان

بس كنت مترددة اجاوب عليه او حاسة انه صعب شوية و مختلف

عن كل التاجات الى جاوبتها قبل كدة

المهم

استعنت على الشقا بالله

و نفتتح الجلسه

هل توافق على حزف خانة الديانة من البطاقة الشخصية ؟

لا طبعا موافقش اومال هنعرف بعض ازى؟

ما رأيك فى المثليين ؟

ناس زينا لهم مشاعر و بنى ادمين يعنى

بس ساعات بحس ان فى كتير منهم عايزين يصرخوا و يقولوا احنا اهو

او بمعنى ادق انهم عايزين يبقى ليهم حقوق

و دة طبعا ارفضة مش لانى ملاك نازل من السما بس فى حدود معينه لازم مش نتخاطاها

هل هى حرية شخصية ؟

اكيد حرية شخصية ليهم هما اما يكون الموضوع مرضى

اما بمزاجهم يعنى يبقى استعراض و بتاع فاكيد يبقوا خطر على المجتمع

و سعتها مش هتبقى حرية شخصية هتبقى حرية من نوع تانى

هل توافق على الإعتراف بالمثليين ؟

الاعتراف انهم معانا عايشين معانا بنعرفهم و بيعرفونا ايوة

انما الاعتراف ان دة حق ليهم و ان دة صح

لا طبعا

هل لديك أصدقاء من المثليين ؟

لا مليش اصدقاء

بس اعرف ناس مجرد معرفة و دردشة و بس

و بعدين هما مش بيعضوا يعنى

هل تعتقد بوجود إضطهاد للمسيحين فى مصر ؟

اضطهاد - المسحيين - مصر

ابدااااااا , حاشا و كلا

من هو الشخص الذى تختارة لرئاسة مصر ؟

كمال الجنزورى

أذا قمت بتأسيس حزب سياسى .. من هم الأشخاص الذين ستقوم بضمهم

فى الحزب ليشاركوك فى حكم مصر حال فوزك فى الإنتخابات ؟

عمرو موسى - كمال الجنزورى

هل توافق على مشاركة كل من : الإخوان المسلمين - الأقباط فى الحكم ؟

فى الواقع ,,, اشك انهم هينفعوا يبقوا مع بعض ,كدة البلد هتولع

بس لو على موافقتى يعنى

اكيد هوافق

فى رأيك الشخصى .. ما هى أفضل مدونة على بلوجر قمت بزيارتها ؟

بصراحة يا مراكبى

بجد مش بمل منها

و لو اتكلمنا على الصعيد الانثوى

لحظات شرين

للذكور فقط : أيهما تفضل كزوجة .. إمراءه عاملة ، أم ربة منزل ؟

قصدك ايه من السؤال دة؟

انا لو كنت راجل يعنى كنت اكيد هختار الزوجة العامله , دة اساسى يعنى

اذا تزوجت وأنجبت ولدين وبنتين .. أى الأسماء تحب أن تسمى ؟

مريــم و بس

هل تعتقد أن توريث الحكم فى مصر . . سيتم فعلا أم لا ؟

طبيعى جدا سيتم

مفيش حد ظهر تانى على الساحة لحد دلوقت

و الى كانوا ظاهرين الله يمسيهم بالخير

واحد اقيل و التانى قعد على جنب

فى رأيك الشخصى : ماهو أفضل إنجاز لحكومة مبارك ؟

فى الواقع اكيد فى , مش معقوله قاعد فى الحكم اكتر من 27 سنه و مفيش انجازات

بس ممكن اقول اننا يعنى لينا علاقات حلوة مع كل الدول

و حاجات تانية بس مش فى ذاكرتى دلوقت اول ما هفتكرها هقولها على طووووول

وما هو أسوأ عمل قامت به ؟

السكوت على الوزير الخاين و الى مهموش يقتل كام مليون من اهل بلده

و اى حاجة فيها تخاذل او سكوت عن حق الشعب

ثم لمن تمرر هذا التاج ؟

و الله ما عارفة انا كل ما ادخل مدونه

الاقى التاج دة منور فيها

امرر التاج لكل واحد معملوش

و خصوصا يا مراكبى

تحياتى

جبل الثلج

2008-01-26T00:41:00.000-08:00

ظلت منتظرة بقلق وسعادة وشغف فى آن واحد ما قد يحدث بعد حين , بدا لها كالحلم, ظلت تنظرالى الساعة مرارا لترى كم تبقى من الوقت لكى ترى حبيبها كم تبقى من الوقت لتلقى مبتاغها, فهى تعشقة بكل ما تحمله هذة الكلمه من معان فاذا بجرس الباب يدق فتشعر بشعورغريب بهزة قوية تهزها لا تعلم ما سرها ؟هل هى سعادة ام حزن ام خوف من ردة فعل

قد تحدث منه؟ لا تعلم و لكنها فتحت الباب و نظرت اليه وهو نظراليها, واذا بكل معانى الشوق والحب تظهرعلى وجهها و تحتضنه بخجل لا تعلم ما سره هذا الخجل ,,هل هو خجل منه؟ هوام خجل من الخطأ الذى اقترفته فى حقها وفى حقة,لا تعلم وانما احتضنته وشعرت بكل ما كانت تحتاج اليه ,حب و شوق وحنان و كل ما احلمت به يوما فى بعده,ومضى بعض الوقت على هذا الشعور الرائع لا تعلم كيف مضى بهذة السرعة نسيت ما مضى , وخيل لها انه نسى ايضا !!هيهاااات ....كانت تشعربه انه على غيرعادته , كان متخوف بعض الشىء او ربما لا يشعر بنفس السعادة التى كانت فيها,وربما ايضا مازل خطأها امام عيناه لا يسطتع نسيانه ولا يسطتع العفو عنها وحزنت و نظرت اليه بدون ان تتكلم و شعرت بانه لا يستطيع الغفران لها ,ولا يسطتع النظر اليها ايضا على الرغم من محاولته وتظاهرة بانه يشعر بالسعادة فى قربها.احسست بشعور حبيبها انه ربما مازال يحتفظ ببعض الحب لها ولكن خطأها يطاردة و يطارد مبادئة

. فلقد التمست له العذر,,,فان ما فعلته كان لا يغتفر وظلت تفكر و تحاول ان تنسيه ما حدث وان تقنعه بانه لم يكن بارادتها و لكن فات الاوان, فلا يستطيع الكلام فقط محو كل شىء ,ليتـــه يفعـــــــــل

فان ما حدث يبكيها ويبكى قلبها ولكنه كان غصبا, ظلت مرارا تبرر فعلتها فى نفسها و لكنها فى اخر الامرتقول ,

اعلم انى مخطئة!! اعتذرت له فى داخلها, تمنت لو يرجع الزمان الى الوراء بضعة شهوروتستطبع ان تغير كل شىء !!فقد !!...فات الاوان, فان ما اقترفته من اخطاء لا تسطيع ان تغفره لنفسها,فما باله هو

احسست بحائط عازل يفرق بينها وبينه ,شعرت بجبل من الثلج يفرق فيما بينهما لا تعلم متى يتهدم , بل فقدت الامل فى ان يتهدم , شعرت بغضاضة فى نفسها من هذا الشعور و حزنت كثيرا وعلمت فى النهاية ان ما مضى قد مضى وان بنى ادم لا ياخذ كل ما يحلم به من هذة الدنيا وان دوام الحال من المحال

وربما مفهوم التسامح و معناه لا يعطى كل الامل لغفران كل الخطايا. وتبسمت له فى نهاية اللقاء متمنيه له كل التوفيق فى حياته وكل السعادة فى دنيته متسائله ما سيحدث بعد هذا اللقاء؟ وتالمت ان تستعد مرة اخرى لهذا الشعورالقاتل الذى يميتها والذى تشعر

.........انه قد يحدث فى القريب الا وهوالفراق ثانيا

هزى يا نواعـــم

2008-01-10T07:30:00.000-08:00

أعلم انه عنوان لا يليق بمقال و لكنه ليس من تأليفى

فانه عنوان لبرنامج فضائى على قناة فضائية تنتمى لاحدى البلاد العربية ,

اسم البرنامج هزى يا نواعم .
برنامج , هدفة الاساسى و الوحيد هو خلق جيل جديد ,

جيد التأسيس للرقص الشرقى نعم الرقص الشرقى ,

فأن فكرة البرنامج مثل فكرة سوبر ستار او مثل مسابقات الجمال ,

فمن المؤكد ان الفائزة بهذة المسابقة سوف تتلقى عروض هائله للعمل كراقصة !!!!!

فهذا البرنامج و الذى شاهدته أمس فقط , كان عبارة عن
استوديو كبيرا مجهز بصاله كبيرة و لجنه تحكيم مكونه من الراقصة نجوى فؤاد

و رجل كبير فى السن و امراه اخرى لا اعرفها .
والذى استفزنى لدرجة انه جعلنى اكتب هذا المقال الان ,

هو تعليق نجوى فؤاد على ملابس الرقص
( بدل الرقص ) , فكان تعليقها لبعض الراقصات الشابات

انه لا يصح ان راقصة تلبس مثل هذه الملابس المحتشمة

و ان لابد من الراقصة ان تعبر اكثر فى رقصها و حركاتها لتصبح مغرية ,
فالرقص اغراء!!!!!
و جاء الرجل الكبير فى السن و الذى اعتقد انه مخضرم فى الرقص الشرقى

فكان يعلق على الراقصات الشرقيات بان لابد من التمايل اكثر فاكثر

و اخذ فى تمثيل بعض الحركات الراقصة الغير محترمة ,

و التى يتعتبرها هو انها مثال للرقص الجيد !!!!!
وكانت المتسابقات من مختلف البلاد العربية و الاجنبيه ,

و لكن اكثرهم كانوا عرب و كانت ملابسهم غاية فى الابتذال

و ايضا للاسف فلم يحظو بالموافقة من لجنه التحكيم المحترمة لانهم لا يمثلوا الرقص الشعبى الاصيل .
و كانت دعوة نجوى فؤاد الاخيرة

دعونا نرجع للزمن الجميل و ملابس الرقص القديمة

التى كانت لا تقدم عرى و لكنها تقدم اغراء بطريقة غير مبتذله!!!!!
و حقيقا لا اعلم من اين ابدا تعليقى , هل ابدا بالفتيات الصغيرات ,

ام ابدا بالشباب , ام ابدا بان هذا البرنامج

يعتبر بدايه لمسابقات اخرى غاية فى الغرابه .
فعندما سمعنا بمسابقة الشذوذ التى قدمت من قبل فى بلد اجنبى

واشتراك مصر فيها , فشعرنا بالدم يغلوا فى عروقنا

ليس من اجل اسم المسابقة و لكن اشتراك مصر المؤسف فيها .
و الان مسابقات فى بلد عربى شقيق تدعو للاسفاف و الرقص الشرقى ,

الم يكن من الافضل التركيز على رئيس لهم افضل من هذه المسابقات المسفة ؟
لمصلحة من يتم هذا ؟ و تحت رعاية من ؟

من هى الجهة التى تريد تحطيم قوانا كعرب , بتحطيم شبابنا؟

ام الموضوع هو اسفاف بعض الناس يريدون تنفيذ اى شىء شاذ ؟
الم يكن من الافضل ان يقدموا برامج اخرى تنهض ببلدهم و ليس ان تجعل سمعتها بلد الفجور ؟
و يصبح اسم البرنامج مثل هزى يا نواعم !!!!!!!!!!!!

رانيا رضا

ابناء مصـر

عجبت لك يا زمن

2007-12-29T09:49:00.000-08:00

شاهدت برنامج على الفضائية المصرية

و كان مستضفيا مرتضى منصور,

و جلست منصته تمام الانصات الى حديثه .
اريد ان اعرف ماذا تغير فى مرتضى منصور بعد خروجة من السجن
هل تغير فيه شىء ؟
هل سوف يكف عن السب و القذف

على كل شخص يقول له لماذا قلت ذلك؟ او لماذا فعلت ذاك؟
وجلست منصته,
فاذا به يتحدث بعصبية كاعادته و يسب فى هذا

و يتمنى من الله ان يصيب كل من ظلمه على حد قوله باشد الامراض .
و لكى اتحدث بصراحة استئت بشدة من طريقة حديثه

و حاولت تغيير القناه لانه لم يعد يوجد اهمية لانصاتى له.
فانه لم يتغير بل على حد قوله و على حد ما شعرت به من حديثة فانه لم يتغير البته بل ازداد قوة,
و لكن ما لفت نظرى هو مديحة الدائم لوزير الداخلية ,

نعم وزير الداخلية و ما يملكه من احترام لمسجونيه و انه انسان على حدة قوله " راجل قوى".
و حديثة عن الاحترام و الادب فى المعامله داخل السجن

و ما يتعرض له خيرت الشاطر وزوملائه من احترام فى المعامله

و ان دعوة التعذيب هذة ليس لها اى اساس من الصحة .

و ايضا دعائة على من يتهم مصر بهذة الاتهامات البشعة .
هل هذا صحيح؟

هل ما كتبت عنه منظمة حقوق الانسان عن التعذيب الذى يتعرض له خيرت الشاطر و من معه كان ملفقا؟

, هل عندما قامت النيويورك تايمز بنشر بيان لمنظمة حقوق الانسان

عن التعذيب فى السجون المصرية كان تهشير بهذا البلد الامن؟؟

ام مرتضى منصور تغير بالفعل و بدا يعيد حساباته لكى لا يتعرض لمثل ما حدث قبل هذا ؟
هل تعلم ان لا يتحدث مع من هم اكبر منه مقاما ؟

بمعنى اصح هل تعلم اداب الحديث مع من هم فى قبضتهم كل شىء ؟

عجبت لك يا زمن

كل سنه انتوا طيبين

2007-12-18T20:30:00.000-08:00

كل سنه و انتوا طيبين و يا رب نبقى فى صحة و سلام على طول

و ربنـــا يديمة علينا بالخير و البركات

قولوا آمييييييييين

:))

تحياتى

الدعم يا نااااااااااس

2007-12-07T08:41:00.000-08:00

الدعم بتاعنا راح فين؟

كمان دة استخسروه فيناا

هى ناقصة

هيفضلوا كدة لحد امتى؟

طب الشعب هيفضل كدة لحد امتى؟

عمالين يضغطوا عليه كل شوية

ضغط ضغط ضغط

و مش عايزين الشعب ينفجــر

ومش عايزنا نتكلم

مش عايزنا ننطق و نقول كفااااااااااية بقى

حرام عليكوا

اتقوا ربنا فينا يا ناااااس

حسبنا الله و نعم الوكيل

هقول ايه؟؟؟؟؟؟؟؟؟

معتش فى كلام يتقال يا اخوانا

هل هذه بدايه النهاية ؟؟

2007-11-26T11:33:00.000-08:00

لن اتكلم اليوم عن اى شىء جديد , فكما قلت قبل ذلك و ايضا كما قال كثيرون , لا يوجد جديد هذه الايام , فمازال العرض مستمر ,

فمازال التعذيب مستمر و مازلت الضحايا تتساقط مثل المطر و ايضا مازالت البطاله مستمرة .

فكل شىء حى الى اليوم على الرغم من الجهود المضنيه لتغيير كل شىء , فلا شىء يتغير و لكن الجيد فى هذا الموضوع ,اننا ايضا مازلنا مستمرين فى التعبير عن رفضنا القاطع لكل ما هو ضد الانسانية و ضد حقوقنا .
فانا اليوم سوف اتكلم عن ظاهرة التحرش ,

و اعلم ان الموضوع ليس بالجديد و لكنه من قديم الازل و لكنه بالطبع زاد هذة الايام بطريقة مريبة ,

الذى سوف اتحدث عنه الان هو ما وصل به شبابنا من تصرفات اقل ما يقال عنها انها غير قابل للتصديق ,

فمنذ سنه او اثنتين قام بعض الشباب بالتحرش بالفتيات فى الشارع و كان الامر غير معقول الا ان شاهدناه فيديو , فتعجبنا جميعا لهذا الامر و جرآته ,

و مؤكد قام الكثير بملامة الفتيات و انها السبب الرئيسى فى هذا الفعل

و قام اناس اخرون بملامة الحكومة لعدم خلق فرص عمل لهذا العدد الكبير و الذى يتزايد يوم بعد يوم ,
و لكن ان يصل التحرش الى داخل البيوت و الشركات !!! هذا ايضا لا يصدق
عندما يقوم شباب بالذهاب الى الشركات للتحرش بالفتيات هناك !!!!!!

فهذا امر غير مقبول و مؤكد انهم يعانوا من حاله نفسية ............الخ ,
و لكن ان يتكرر الموضوع من بعض الشباب و بنفس الطريقة ؟ فماذا يقال عن هؤلاء ؟.
عندما يقوم البعض بالاتصال بالارقام التليفونية الخاصة ببعض الوظائف فقط لمغازله السكرتيرات

او لقول الفاظ تخدش الحياء ,,

او حتى لمعرفة عنوان المكتب للذهاب و التحرش بهم !!!!!!!
فايضا هذا غير قابل للتصديق .

واالبعض الاخر الذى يقف فى البلكونات عاريا تماما ,

و لا يفعل ذلك لانه مختل عقليا و لكن فقط لاثارة حفيظة الفتيات .
فما هذا الذى يحدث ؟ انا لست اتحدث عن حاله فردية سمعتها بالصدفة

و لكنى اتكلم عن عدة حالات متشابهة فى الفعل و المضمون , و التى بدات اعتقد انها بدت لى ظاهرة خطيرة ..
و اتسال الان , هل ضيق ذات اليد ؟ يفعل كل ذلك؟
ماذا حدث لكم يا شباب مصر ؟
لا اعلم من السبب فى ذلك

و لكنى عندما فكرت فى هذا الموضوع لم استطع ان القى اللوم على الحكومة و انها السبب فى هذا

لانها لم تستطع خلق فرص عمل لهؤلاء الشباب.

و لم استطع ان الوم القنوات الفضائية و ما تبثة من كلبيات فاضحة ,

و لا استطيع ان الوم ما يحدث فى المدن الساحليه شرم الشيبخ و الغردقة و ان هناك يستطيع الشباب نيل كل ما يتمنوه بكل حرية وبلا حدود الا من عفا عنه ربى و حافظ على دينه .
و لكنى ايضا لن اعمم .
ففى مصر كثير من الشباب الذين بحبون بلدهم و يحفرون فى الضخر من اجل الحلال و يتقون ربهم و يخافونه
لانه كما تدين تدان .
و لكن من هؤلاء ؟ و هل هذة هى بدايه النهاية ؟ هل هذه بدايه النهاية للاخلاق و الادب و الرجوله فى مصرنا ؟
لا اعرف .

ماذا فعلنا فى حقهم؟

2007-11-12T12:13:00.000-08:00

حكت لى زميله فى العمل اليوم عن قصة غريبة

و هى عمليه نصب تمت بدقة او كما هى تقول قام الفاعل بحبك قصة على الضحية

و سرق منه ما يقرب من العشرين الف جنيه و بعض مصوغات زوجته

و رغم ان الزميله تلوم الضحية لانه جاهل و لا يعرف شىء

و من الطبيعى ان القانون لا يحمى المغفلين

فانا كانت لى وجهة نظر اخرى

قالت زميلتى ان هذة العمليه تمت فى غضون نص الساعة

حيث ذهب رجل فى ملابس رسمية فى زى ضابط شرطة و قام بالتحدث مع الضحية

و اتهامه بانه يحمل مواد مخدرة و انه قد تم الابلاغ عنه

عندها صعق الرجل و قال انا؟؟؟؟؟؟ ازى يا بيه لالا طبعا

قال الضابط خلاص نفتش البيت و نشوف و يا انا يا انت يا ابن .........

و ذهب الرجلان الى البيت ليثبت الضحية برائته

و انه لا يحمل اى مواد مخدرة او اى ممنوعات كما قال

و عندها طلب الضابط من الرجل ان يفتش الشقة و الحجرات

وجد الضابط المال و المصوغات و قال للنجار انه سوف ياخذهم

و يقوم بتحريزهم

لعرضها على النيابه ليثبت برائته و الغريب ان الرجل لم يشك للحظة فى هذا الامر

و من الطبيعى ان يقوم الضابط المزيف بالهرب بعد ما وعد النجار بانه سوف يلاقية فى مكان معين

و ذهب الرجل و انتظر الضابط و لكن الضابط لم ياتى

ذهب الرجل بكل برائة و سذاجة و حكى الامر لاصدقائة و بالتالى كان الكل جوابهم واحد

انتصب عليك يا فاااااالح

و هنا انهار الرجل "تعبى و شقايا عشرين الف جنيه و دهب مراتى يا عالم يا هوووووووووة

و ايضا نفس الكلمه" القانون يا خويا لا يحمى المغفلين

و بعد ما سمعت القصة طرات فى بالى نقطة

هل هذا الرجل الذى هو عامل نجار و يتعامل مع كل الفئات هل يقع فى مصيدة بهذة السذاجة ؟؟؟؟؟؟؟؟؟

ام انه لم يستطع قول كلمه لا لرجل مرتدى زى رسمى ؟

مؤكد انه ليس بهذا الغباء او انه ساذج لهذة الدرجة و لكنه مؤكد كان خائف

نعم خائف مما سيفعله هذا الضابط اذا قال الرجل لا

اليس كذلك؟

فهذا الرجل مثل ملايين المصريين

يسمع كل يوم عن رجل تم اغتصابه

او تم ضرب مواطن حتى الموت او غرق مواطن هربا من عذاب شرطى

او موت صبى اثر ضربه بعنف.

اليس كذلك؟؟؟؟؟؟؟

انا اعتقد ان كل هذا دار بخلد الرجل عندما طلب منه الضابط المال و المصوغات.

تركت هذة القصة و قمت بسؤال زميلتى سؤال

"لو قابلك ضابط و طلب منك البطاقةانه يشوفها هتقوليله ايه؟

قالتى لا طبعا يشوفها ليه؟

قلتها امممممممممممممممممممم

جميل بس تعرفى ان فى مرة ضابط و عسكرى وقفوا بنوته فى الشارع

و طلبوا يشوفوا بطاقتها و هى قالت زيك كدة لا طبعا

ضربوها و بهدلوها و فى الشارع و خلعوا عنها الاسدال الى كانت لابساه

شوفتى بقى ؟

و اذا بى اعيد السؤال عليها ثانية

لو فى مرة قابلك ضابط شرطة و سالك عن بطاقتك هتقوليله ايييييييييييه؟

ردت زميلتى على الفور هوريهاله طبعا و اقوله خدها

مش عايزاها

هطلع واحدة تانية

:)))

اليس كذلك ما سنفعل ؟

ام سنقول لا ليس من شأئنك

اريد ان اعرف الاجابة

و السؤال الثانى

ماذا فعلنا من اجل كل هذا؟

نعيش فى بلد نخاف ان نمشى بشارع يمشى به ضابط.

ماذا فعلنا فى حقهم

حتى يفعلوا هذا فى حقنا؟

لا اعرف

و لكن ما اعرفه اننا لم نعد بلد الامان و لا بلد الامن

كان الحماه هما الشرطة و الان نريد حماه لنا من الشرطة

ازدياد الفقر

2007-11-06T05:26:00.000-08:00

طبعا انا مش هتكلم

على الكلام المتزوق الى اتقال امبارح فى المؤتمر الصحفى الى اتعمل لجمال مبارك

و لا هعلق بردة على كلام د/ نظيف

مع انى همووووت و اعلق

بس يلا همسك نفسى

و كل الى هعمله دلوقت

انى انشر التقرير اللذيذ دة و الى اتنشر فى وكاله اجنبية

و شكرا

ازدياد الفقر فى مصر على الرغم من النمو الاقتصادى السريع.

reuters
على الرغم من التقدم الاقتصادى السريع فى هذا العقد فى مصر,

الا ان هناك تزايد فى نسبه المصريين الذين يعيشون فى فقر مدقع,

و قد قال رئيس عمليات الامم المتحدة فى مصر يوم الاربعاء ,

ان ما بين سنه 2000 و 2005

ارتفعت نسب الفقر المدقع ( المطلق) الى 19.6% من 16.7 من السكان .

و قد اعلن فى مؤتمر اخبارى النسق المقيم للامم المتحدة :

" ان واحد كل 5 مصريين لا يستطيعون اشباع حاجاتهم الاساسية"

اضاف استنادا لاحصائية تمت فى يونيو.
و قد قال المتحدث الرسمى للامم المتحدة " العيش فى فقر مدقع "

و " عدم القدرة على اشباع الحاجات الاساسية "كلها مرادفات "

و نحن بصراحة نشعر بالذهول من هذا الوضع,

و ربما لم تكون مجرد احصائية .

و هناك مشاكل اساسية و هيكليه لابد من تخطيها اولا

قبل ان ننظر الى النتائج فى تخفيض معدل الفقر" .
و فى فترة الخمس سنوات الاخيرة ,

قد اظهرت مصر تقدم اقتصادى حقيقى تراكمى يقدر ب 21%

و سارعت نسبه النمو منذ ذلك الحين الى 7.1% فى السنه الماليه 2006/2007

و المنتهية فى يونيو.
و لقد ازداد ت نسبة المستثمرين الاجانب فى السنتين الماضيتين بشكل مثير

و اضاف البنك الدولى قائلا ان مصر كانت واحدة من الدول

التى صنعت تقدما ملحوظا فى تحسين المناخ الاقتصادى .
" نحن نرى تأخرا بين هذة الاتجاهات الايجابية ... و انحدارات الفقر .

فهم لا يظهرون فى المدى القريب " .
و قال راولى ان مصر ليست الدوله الوحيدة التى ينتشر فيها الفقر وسط هذا التقدم الاقتصادى ,

و اضاف انه واثق من ان الحكومة سوف تلتزم بتخفيض و تقليل نسبة الفقر

و ان مصر ستقابل اهداف تنموية الالفية للامم المتحدة.
و هدف مصر هو تخفيض نسبة الناس الذين

يعيشون بدخل يقل عن 1 دولار فى اليوم الى 12.1% من 20.2%

الان على مشارف سنه 2015: اضاف موثق الامم المتحدة .

وقال راولى ان الفقر منتشر و بنسبة غير متكافئة فى جنوب مصر و الريف .
و تقوم الحكومة بتقديم للشركات نوع من التحفيزات للاستثمار فى الجنوب حيث المعاناه الشديد

و التى بتعد عن الاسواق الرئيسة و مستويات التعليم المنخفض هناك.
و راولى كان يتكلم على ضوء انطلاق حمله لتعميم الاهداف الالفية

و التى تبنتها القمة الالفية فى نيويورك 2000 و التى تتضمن خفض معدل الفقر .
*******************************************
انتوا ايه رايكوا؟

اعتقد ان فى تناقض فى الموضوعين

كلام السيد جمال" ان فى ازدهار اقتصادى فى مصر

فعلا بياكدة التقرير دة

انما نسبة الفقر الى بيقولوا انها بتنخفض يوم عن يوم ,هل دة فعلا حقيقة ؟

و لا كلام و بس ,,,,,بصراحة مش شايفة حاجة من الى قالوها امبارح,

و لا حتى سمعت حتى اجابات مباشرة للاسئله الى سالؤها الصحفيين امبارح

و بعدين انا لاحظت انهم حطين خطط للتنميه و التطور و الاستثمار و خلق فرص عمل للشباب!

بس بصراحة مسمعتش هتتنفذ او هتم سنه كام؟ و امتى بالظبط هيتم القضاء على الفقر و البطاله يا اخونا؟

احتمال فعلا تتم على الفترة الرئاسية القادمة؟؟؟؟؟؟

هو انا منفسنه شوية زى ما بيقولوا ؟و لا عندى حق اتنقط يعنى؟

:(((

ايه دة؟ هو انا مش قلت مش هعلق !!!!!!!!
مفيش فايدة فيا ابدا

مش هتغير

ماذا بعد

2007-10-26T04:25:00.000-07:00

يصر الشباب اسبوعيا على شراء الجرائد الحكومية ليس بحثا عما يجرى على الساحة الشعبية ,

و معرفة اخبار الوطن و التى توصفها الجرائد اليومية بانها فوق الممتازة

متجاهله كل ما يحدث حقيقة فى هذا الوطن من قهر و ظلم و تعذيب ......... الخ
.ليس هذا ما يبحث عنه الشباب

و لكن عادة ما يبحث الشباب فى هذة الجرائد عن الوظائف الخاليه,
كل شاب او فتاه يقوم بشراء الجريدة و يظل يتصفحها لساعات

محاولا ايجاد فرصة حقيقة ومتفقة مع مؤهلاته ترحمة من شبح البطاله

و الذى يطل بانيابه على عدد كبير جدا من شباب مصر الان .
و عندما يجد هذة الوظيفة

و يتقدم لعمل مقابله يرجع عائدا الى بيته يجر اذيال الخيبة لعلمه بان الراتب اقل بكثير مما كان يحلم.

او مؤهلاته و التى كانت تبعا لكليه حكومية لا تؤهله للعمل,

او يقع فريسة لشركات محتاله , مثلما حدث من قبل ,

شركات تقوم بخداع الشباب طالبى الوظائف و توهمهم بالراتب الاساسى الكبير

و الذى سوف يحقق جميع احلامهم و تطلب منهم مبلغ للتدريب

و يدفع الشباب هذة المبالغ فى محاوله يائسة للعمل و الحصول على وظيفة جيدة .

الا ان يكتشفوا بانها كلها اوهام ليس الا .
لماذا يحدث هذا ؟

الم يوعد الرئيس فى برنامجة الانتخابى بانه سوف يقضى على هذة البطاله الى ابد الابدين؟
اين هذة الوعود التى اصدرها من قبل؟

و اعطى الامل لكثير مئات الشباب بانهم سوف يحصولوا على فرصهم الضائعة ؟
هل كانت تمثيليه من التميلات التى تقوم بها الحكومة منذ زمن بعيد؟ ,

اعطاء الامل ثم قتله من بعد ذلك.
فقامت الحكومة من فترة ليست بالعيدة بعمل مسابقات وهمية لتعيين الشباب

و اخص بالذكر وزارة التربية و التعليم , و التى كانت تعلن عن مسابقات لتعيين ,
و يتقدم الشباب باوراقهم على امل ايجاد فرصة عمل ,

و لكن يصطدم الشباب بعد ذلك بان هذة المسابقة و التى تم الاعلان عنها مساء امس قد استكفت بالعدد المطلوب!!!!!!!!
كيف ؟و ماذا؟ و اين ؟و متى؟ كلها اسئله يسالها الشباب

اين و كيف لقد سمعت عن هذة المسابقة امس فقط ؟

تقول الادارة( خلاص يا سيد استكفينا) حقا!!!!!!!!! .
هل وصل الامر بالحكومة الى الاستهانه بعقول الشباب الى هذة الدرجة ؟

مجرد مسابقات وهمية لكى يظهر الرئيس بمظهر حسن

و انه تم تنفيذ وعدة الاخير و الذى كان ضمن برنامجة الانتخابى ؟ .
فبعد ذلك قد ترى ان الشباب قد انقسم الى عدة مجموعات و لا نستطيع ملامهم

هناك مجموعة تصر و تقاوم

و تقوم باعادة الكرة و تبحث فى الجرائد عن الوظائف الخاليه فى الشركات الخاصة ايضا محاوله لتغيير الواقع المرير و هذة الكلمه المؤلمة التى تلاحقهم ( البطاله),

و الاخرى تتجه الى التطرف

و الثالثة تتجه الى المقاهى محاولين نسيان ما يحدث و يصابوا بنوع من الامبالاة

و الرابعة تبحث عن اى وظيفة و اى راتب

و لكن خارج مصرو الاخيرة لم عد تهتم بالتعليم لانهم ببساطة يعرفون المصير المحتوم.
قامت الحكومة اخيرا و ايضا ليس بالوقت البعيد بعمل برنامج لتعيين الشباب ,

و صراحة الامر كان ممتاز و مثمر لكثير من الشباب ( العاطل) .

و لكن بعد تفكير فى هذا البرنامج و الذى كان بمثل السم فى الشيكولاته

فانه ليس مثمر على الاطلاق فانه يعتبر كدبة او تمثيليه اخرى للحكومة للضحك على الشباب .
فانهم يستغلوا و يستنفذوا طاقات الشباب للقيام باعمال حرفية !!!!!!! .

مطلوب شباب ذو مؤهلات عليا للقيام بلاعمال حرفية !!!! و العنوان
(قوم اشتغل انت مش عايز تشتغل ),

(متقلش هشتغل ايه اشتغل و خلاص مش ممكن تبقى فتحة خير عليك).
هل يعقل هذا؟ هل التعليم اصبح مهمشا هكذا؟ ا

لى هذة الدرجة لم يعد هناك اى استعناء بالتعليم او بالمؤهلات العليا ؟ لم يعد هناك فرق بين هذا و ذاك ؟
اليس هذا ما فعتله حكومتنا بنا؟ و السؤال الان الى متى؟
كثرت الاسئله و الاجابه واحدة ( الله اعلم).

ضوضاء

2007-10-21T13:32:00.000-07:00

بما اننى من مرتادى الميكروباصات بصفة قد تكون دائمة

و اسعد كثيرا عند ركوبها الا اننى قد لاحظت امور غريبة فى هذة الفترة

الا وهى الاغانى

فبعد ما عبر كثير من الناس عن استيائهم من سائقى الميكروباصات

بانهم يستمعون قهرا للقران فى الاذاعة اوعبر الكاسيت الخاص بالميكروباص

فالذى يتم الان غريب نوعا ما

فالموضوع يبدا عند ركوبى اى ميكروباص

و ترى الشباب يتهافتون على الركوب , وعند الركوب

كل شاب او فتاه يقومون بتشغيل الاغانى على الموبيلات و بصوت عال

و لا يعيرون اى اهتمام للاخرين .

فانا لا ابالى

عندما يقوم شخص واحد بتشغيل الاغانى عبر الموبيل او حتى

mp3

و لكنى مؤكد اعير اهتماما اما الاحظ ان حوالى 4 اشخاص فى هذا الميكروباص

يقومون بتشغيل الاغانى فى نفس الوقت كانها مسابقة

او حتى نظام استعراض لانواع الموبيلات غاليه الثمن

و ما يزيد الطين بله ان يقوم السائق هوالاخر بتشغيل الاغانى عبر الكاسيت

و يبقى الحال كما هو الا ان نصل الى مكاننا المراد

بعد ما ان نكون قد اصبنا بصداع مزمن و ربما نصل الى انهيارعصبى من الضوضاء

الصادرة من الموبيلات و ال

mp3

و ايضا الكاسيت

ما هذا الذى يحدث هل اصبحا كذلك؟ هل نقلد بعضنا البعض الى هذة الدرجة ام الامر مجرد عناد

ام استعراض ام مجرد روشنه شباب؟

هل اصبحت الاغانى مهمة فى حياننا لهذة الدرجة التى تجعلنا نسمعها حتى فى الميكروباصات؟

فكلنا نستمع للاغانى و لكن ليس لهذة الدرجة؟ .

هل التكنولوجيا اصبحت تستخدم فى هذا المنوال فقط؟

لقد رايت اشخاص عاديين جدا

فظللت افكر محاوله منى لنسيان هذة الضوضاء الصادرة

و افكر بان هذا الشخص و الذى يبدو عليه انه عامل

, فى احدى الورش بانه لا يملك جنيها واحد و لكنه يحمل موبيلا فاخرا وغالى الثمن ايض لماذا؟

من اين له هذا ؟

و ان كان يملك المال الازم لشراء هذا الموبيل, لما لا يشترى اى شىء اخر ذو قيمة ؟.

هل اصبح الشباب لهذة الدرجة على قدر من التفاهه للتمثل بهذة الامور ؟

حقيقتا لا ادرى

و لكنى قد اصاب بصداع نصفى يومى

او انهيار عصبى قريب من جراء هذة الضوضاء

فاعذرونى اخوتى اذا غبت عنكم فترة من الزمن

قد يكون الامر زاد عن حدة و لجات الى احد المستشفيات الامراض العصبية للعلاج.